«Air Astana» äue kompaniiasynyŋ bas direktory Piter Foster 2026 jyldyŋ nauryz aiynda qyzmetınen ketedı. Būl turaly kompaniianyŋ baspasöz qyzmetı aitty, dep habarlaidy «Adyrna» tılşısı.
«Piter Foster kompaniiamen bailanysyn üzbei, direktorlar keŋesınıŋ aǧa keŋesşısı retınde öz qyzmetın jalǧastyrady. Kompaniianyŋ qarjy direktory İbrahim Djanliel Air Astana-nyŋ jaŋa bas direktory bolyp taǧaiyndalady»,– delıngen resmi habarlamada.
Direktorlar keŋesı Piter Fosterdıŋ kompaniiany basqarudaǧy 20 jyldyq eŋbegın joǧary baǧalap, alǧys aitty.
Piter Foster – Ūlybritaniia azamaty, 1960 jyly tuǧan. Ol aviasiia salasyndaǧy täjıribelı maman retınde tanymal. Foster eŋbek jolyn 1982 jyly Cathay Pacific Airways Ltd kompaniiasynda bastaǧan, onda Gonkong, Aziia, Avstraliia jäne Europada türlı basqaruşy qyzmetter atqarǧan. 1999 jyly Philippine Airlines Inc. kompaniiasyna keŋesşı retınde şaqyrylǧan. 2002-2005 jyldary Royal Brunei Airlines äue kompaniiasynyŋ bas atqaruşy direktory bolǧan.
2005 jyldan berı «Air Astana» äue kompaniiasynyŋ prezidentı jäne bas atqaruşy direktory qyzmetın atqarady.
Eske salaiyq, būǧan deiın deputat Edıl Jaŋbyrşin Air Astana äuekompaniiasynyŋ jūmysyn synǧa alyp, bas atqaruşy direktor Piter Fosterge şüilıkken edı.
