Bolat Nazarbaevtyń jubaıy Dınara Qazaqstannyń burynǵy prezıdentiniń inisi týraly qyzyqty derektermen bólisti, dep habarlaıdy “Adyrna” ulttyq portaly.
Dınara Bolattan eki balasy bar ekenin, olardyń biri 2021 jyly Nazarbaevqa ota jasalyp jatqanda Germanııada dúnıege kelgenin Ekx.kz saıtyna bergen suhbatynda aıtyp berdi.
Ol sondaı-aq, Bolattyń úlken áıeli Gúljan Nazarbaeva «batasyn bergenin» aıtty. Dınara olarda toı bolmaǵanyn da atap ótti.
"Kúıeýim úlken mereke uıymdastyrǵysy keldi, biraq men oǵan qarsy boldym. Men syrttan kóp kóńil bólinip, sóılegenin qalamadym ", - deıdi ol.
Onyń aıtýynsha, Bolat Nazarbaevtyń 20 balasy bar.
"20 shaqty balany bilemiz. Onyń ózi keıbirin umytyp ketipti. Biraq men árqaısysynyń atyn bilemin. Olar týraly aıtqan saıyn barlyǵynyń týǵan kúnderin jazyp aldvq. Onyń ekinshi áıelinen Erbol esimdi uly bar. Ol bizben baılanysady», - dedi Dınara.
Dınaradan “qyzǵanysh bolýy múmkin be?” degen suraqqa ol bastapqyda mundaı oılar bolmaǵanyn aıtty. Alaıda, ýaqyt óte ol kóbiniń Nazarbaevqa aqsha men materıaldyq jaǵdaıǵa baılanysty jaqyn bolǵanyn túsine bastady.
Dınara Bolatpen kezdesken oqıǵasyn da aıtyp berdi.
"Biz ony Qaskeleńdegi keshterdiń birinde kezdestirdik. Shynymdy aıtsam, onyń kim ekenin de bilmedim. Qonaqtardyń arasynda Bolat Nazarbaev bar ekenin aıtqan kezde de senbedim. Keıin tanystyǵymyz mahabbatqa ulasty. Al 2012 jyldan beri azamattyq nekede turamyz», - dedi ol.
Aıta keteıik, 3 tamyzda áleýmettik jelilerde Bolat Nazarbaev qaıtys boldy degen qaýesetter paıda bolǵanymen, Dınaranyń ózi onyń jaǵdaıynyń «óte aýyr» ekenin aıtyp, ony joqqa shyǵarǵan bolatyn.
”Adyrna” ulttyq portaly
