بولات نازارباەۆتىڭ جۇبايى دينارا قازاقستاننىڭ بۇرىنعى پرەزيدەنتىنىڭ ءىنىسى تۋرالى قىزىقتى دەرەكتەرمەن ءبولىستى، دەپ حابارلايدى “ادىرنا” ۇلتتىق پورتالى.
دينارا بولاتتان ەكى بالاسى بار ەكەنىن، ولاردىڭ ءبىرى 2021 جىلى نازارباەۆقا وتا جاسالىپ جاتقاندا گەرمانيادا دۇنيەگە كەلگەنىن Ekx.kz سايتىنا بەرگەن سۇحباتىندا ايتىپ بەردى.
ول سونداي-اق، بولاتتىڭ ۇلكەن ايەلى گۇلجان نازارباەۆا «باتاسىن بەرگەنىن» ايتتى. دينارا ولاردا توي بولماعانىن دا اتاپ ءوتتى.
"كۇيەۋىم ۇلكەن مەرەكە ۇيىمداستىرعىسى كەلدى، بىراق مەن وعان قارسى بولدىم. مەن سىرتتان كوپ كوڭىل ءبولىنىپ، سويلەگەنىن قالامادىم ", - دەيدى ول.
ونىڭ ايتۋىنشا، بولات نازارباەۆتىڭ 20 بالاسى بار.
"20 شاقتى بالانى بىلەمىز. ونىڭ ءوزى كەيبىرىن ۇمىتىپ كەتىپتى. بىراق مەن ارقايسىسىنىڭ اتىن بىلەمىن. ولار تۋرالى ايتقان سايىن بارلىعىنىڭ تۋعان كۇندەرىن جازىپ الدۆق. ونىڭ ەكىنشى ايەلىنەن ەربول ەسىمدى ۇلى بار. ول بىزبەن بايلانىسادى»، - دەدى دينارا.
دينارادان “قىزعانىش بولۋى مۇمكىن بە؟” دەگەن سۇراققا ول باستاپقىدا مۇنداي ويلار بولماعانىن ايتتى. الايدا، ۋاقىت وتە ول كوبىنىڭ نازارباەۆقا اقشا مەن ماتەريالدىق جاعدايعا بايلانىستى جاقىن بولعانىن تۇسىنە باستادى.
دينارا بولاتپەن كەزدەسكەن وقيعاسىن دا ايتىپ بەردى.
ء"بىز ونى قاسكەلەڭدەگى كەشتەردىڭ بىرىندە كەزدەستىردىك. شىنىمدى ايتسام، ونىڭ كىم ەكەنىن دە بىلمەدىم. قوناقتاردىڭ اراسىندا بولات نازارباەۆ بار ەكەنىن ايتقان كەزدە دە سەنبەدىم. كەيىن تانىستىعىمىز ماحابباتقا ۇلاستى. ال 2012 جىلدان بەرى ازاماتتىق نەكەدە تۇرامىز»، - دەدى ول.
ايتا كەتەيىك، 3 تامىزدا الەۋمەتتىك جەلىلەردە بولات نازارباەۆ قايتىس بولدى دەگەن قاۋەسەتتەر پايدا بولعانىمەن، دينارانىڭ ءوزى ونىڭ جاعدايىنىڭ «وتە اۋىر» ەكەنىن ايتىپ، ونى جوققا شىعارعان بولاتىن.
”ادىرنا” ۇلتتىق پورتالى
