Qazaqstan prezidentı Qasym-Jomart Toqaev el tūrǧyndaryn Eŋbek künımen qūttyqtady. Būl turaly Aqorda jazdy, dep habarlaidy "Adyrna".
Ol aianbai eŋbek etıp jürgen qazaqstandyqtarǧa rizaşylyq bıldırdı.
"Eŋbek künı qūtty bolsyn! Būl merekenıŋ elımız üşın airyqşa mänı bar. Sebebı eŋbek pen eŋbekqorlyq – ūlttyq ideologiiamyzdyŋ arqauyna ainalǧan qūndylyqtar.
Jūmysşy mamandyqtary jylynda bız adal ärı qajyrly eŋbegımen elımızdıŋ ösıp-örkendeuıne üles qosyp jatqan san aluan käsıp ielerı men türlı buyn ökılderıne jäne elımızdegı barşa eŋbekker qauymǧa syi-qūrmet körsetemız.
Elımızdıŋ qūndylyqtary men maqsattaryna zor senımmen qarap, qasterlı Otanymyz üşın aianbai eŋbek etıp jürgen, ärdaiym käsıbi şeberlıgın şyŋdap, öndırıste joǧary körsetkışke qol jetkızuge ūmtylatyn jäne är ıste alǧyrlyq pen jaŋaşyldyq tanytatyn otandastarymyzǧa şynaiy rizaşylyǧymdy bıldıremın.
Bız qoǧamda adal eŋbektı keŋınen därıptep, öskeleŋ ūrpaqty eŋbekqor etıp tärbielei otyryp, Quatty ärı Ädılettı Qazaqstannyŋ myzǧymas negızın qalaimyz.
Jauapkerşılıgı joǧary, nietı taza, otanşyl azamattarymyzdyŋ arqasynda bız damyǧan jäne örkeniettı el bolu mındetın abyroimen oryndaimyz dep senemın.
Qazaqstannyŋ barlyq azamatyna zor densaulyq, baq-bereke jäne tolaǧai tabys tıleimın!", - deidı Toqaev qūttyqtauynda.
