Bügın, 21 şılde künı Aqtau qalasynda jäne oǧan jaqyn audandarda qalaışılık jäne qalaaralyq baǧyttarda qatynaityn avtobus jürgızuşılerı ereuılge şyqty, dep habarlaidy «Adyrna» tılşısı Lada.kz-ke sılteme jasap.
Olar jalaqylaryn köterudı, eŋbek jaǧdaiyn jaqsartudy jäne özderın äleumettık paketpen qamtamasyz etudı talap etıp otyr.
Kölık jürgızuşılerdıŋ 80%-dan astamy ereuılge qosyldy. «Caspian Trans Corporation» men «Kaspii Avto Park» kompaniialarynyŋ basşylyǧyna, sondai-aq äkımdık, eŋbek inspeksiiasy jäne prokuraturaǧa bırneşe ret jügındım. Bıraq eşqandai jauap bolǧan joq»,—deidı aksiiaǧa qatysuşylardyŋ bırı.
Ereuılşıler jürgızuşılerdıŋ jūmysty tünge deiın aiaqtap, taŋǧy törtte qaita tūryp, qaita jūmysqa şyǧatynyn mälımdedı. Aitularynşa, būl jaǧdai jürgızuşılerdıŋ qatty şarşauyna jäne jol-kölık oqiǧalarynyŋ jiıleuıne sebep bolyp otyr. Olar keide rölde otyryp qalǧyp ketetın jaǧdailar bolatynyn da jetkızdı.
«Ailyq jalaqyny alu üşın esepşıge jalynuǧa tura keledı. Auyrǧan künder aqysy tölenbeidı. Jūmys jaǧdaiy jasalmaǧan. Däret alatyn jer de joq»,—deidı jürgızuşılerdıŋ bırı.
Maŋǧystau oblystyq jolauşylar kölıgı jäne avtomobil joldary basqarmasynyŋ mälımetınşe, avtobus jürgızuşılerınıŋ ereuılıne bailanysty jaǧdaidy anyqtap, şeşu üşın äkımdık tarapynan jedel jūmys toby jasaqtalyp, oqiǧa ornyna barǧan.
Jūmys toby men jūmys beruşı tarap jürgızuşılerge qoldanystaǧy zaŋ aiasynda tiıstı tüsındıru jūmystaryn jürgızıp, köterılgen mäselelerdıŋ şeşu joldary qarastyrylatynyn mälımdegen.
Jürgızılgen ekıjaqty kelıssözder nätijesınde avtobustar saǧat 11:00-de qalypty keste boiynşa qaita jolǧa şyqqan.
