"Mazmundama" basşysy Şyŋǧys Mūqan “Meloman” kıtaptar jelısınen qazaq tılınde keşırım hat alǧanyn mälımdedı, dep habarlaidy "Adyrna" ūlttyq portaly.
Kompaniia kelısım-şartty būzbaityn bolyp şeşken.
Avtordyŋ aituynşa, būl jaǧdai oqyrmandardyŋ qoldauynyŋ arqasynda mümkın bolǧan.
Degenmen, ol “Melomanǧa” degen senımge syzat tüskenın jasyrmady.
“Melomannan” tün ortasynda osyndai hat keldı. Qazaq tılınde! Keşırım sūrapty. Kelısım-şartty būzbaityn bolypty. Būl da bır bızdıŋ jeŋısımız dep oilaimyn.
Künde közmaiymyzdy tausyp, qaǧaz kemırıp, qūmyrsqadai eŋbektenıp jürgen, bırden bırge äreŋ ılıktırıp jürgen myna bızge ziian tigızu op-oŋai. Degenmen oqyrmandarymyzdyŋ qoldauynyŋ arqasynda myŋǧyrǧan “Meloman” keşırım sūrap jatyr, jaŋylysypty. Degenmen köŋılde az da bolsa kır qaldy.
Şyny kerek, keşırımge zäru emespız. “Meloman” satpai qoisa da, oqyrmandarymyz kıtapsyz qalmaidy. Bastysy şartty oryndasa eken deisıŋ. Jaŋa kıtaptarymyz oqyrmandarymyz satyp alǧan aqşany kütıp otyr. Däl qazır 20 kıtap kezekte tūr. Baspaǧa daiyn. Tapsyraiyq desek, jetkıze almai otyrmyz.
Osyny eskere kelıp, būdan bylai “Melomanǧa” qaryzǧa kıtap bermeimız dep şeştık. Jaŋa kıtaptarymyzdy satyp alyp jatsa, “Melomannan” taba alasyzdar, bolmasa Kaspi-den ala alasyzdar.
“Melomannyŋ” artynda qazır qazaqtyŋ myqty jıgıtterınıŋ tūrǧanyna közım jettı, alǧanyna köp bolmapty, endı-endı igerıp jatyr eken. “Melomannyŋ” betı berı qarai tüsedı dep ümıttenemın”, – dep jazdy Şyŋǧys Mūqan.
