Almatynyŋ Nauryzbai audanynda biyl «Halyq qatysatyn biudjet» baǧdarlamasy aiasynda jaily ärı zamanaui qalalyq orta qalyptastyruǧa baǧyttalǧan 35 joba jüzege asyryluda. Olar qoǧamdyq keŋıstık pen balalar oiyn alaŋyn saludy, syrtqy jaryqtandyru men trotuar ornatudy, jürgınşı aimaqtaryn körıktendırudı, tık kögaldandyrudy, jerüstı jürgınşı ötkelderın kögaldandyrudy jäne avtomatty suaru jüiesın ornatudy qamtidy.
Aiaqtalǧan jobanyŋ bırı – Aitmatov köşesındegı balalar oiyn alaŋy. Jūmys barysynda eskı oiyn qūrylymdary men qorşau alynyp, jaŋa negız daiyndaldy, asfaltbeton jabyny töseldı, zamanaui şaǧyn säulet nysandary men qauıpsız tartan jabyny ornatyldy. Nätijesınde tūrǧyndar balalardyŋ belsendı demalysyna arnalǧan zamanaui ärı qauıpsız keŋıstıkke ie boldy.
Körıktendıru jūmystarynyŋ taǧy bır baǧyty – Abai jäne Alatau daŋǧyly boiyndaǧy tık kögaldandyru. Mūnda avtomatty suaru jüiesımen jabdyqtalǧan tık kögaldandyrudyŋ 768 qūrylymy ornatylyp, şyraigül men pelargoniia sekıldı sändık gülder egıldı.
Sonymen qatar Abai daŋǧyly boiyndaǧy jerüstı jürgınşıler ötkelın kögaldandyru jūmysy jalǧasuda. Joba aiasynda gül qūmyralaryn, sändık moduldık konstruksiialardy jäne şamamen 17,5 myŋ gül egılgen tık kögaldandyru jüiesın ornatu közdelgen. Bügınde Abai daŋǧyly boiynda, Abai daŋǧyly men Äşımov köşesınıŋ jolairyǧynda jäne Däuletkerei köşesınde gül qūmyralary men sändık konstruksiialardy ornatu jūmysy aiaqtaldy. Sondai-aq jerüstı jürgınşı ötkelındegı tık kögaldandyrudyŋ moduldık jüiesı tolyq ornatyldy.
«Halyq qatysatyn biudjet» baǧdarlamasy aiasyndaǧy jobalardy ıske asyru qalalyq ortany keşendı damytuǧa, körıktendıru deŋgeiın arttyruǧa jäne Nauryzbai audany tūrǧyndary üşın jaily qoǧamdyq keŋıstık qalyptastyruǧa yqpal etedı.
