50 jastaǧy er adam 6 jasar qyzdy zorlaǧany üşın qataŋ rejimdegı koloniiaǧa qamalǧan. Er adam üş balanyŋ äkesı. Ol jasaǧan qylmysy üşın 18 jylǧa bas bostandyǧynan aiyrylǧan. Sottaluşy ışımdık ışkendıkten, mūndai qylmysqa barǧanyn aitady, dep habarlaidy “Adyrna” ūlttyq portaly “Astana” telearnasyna sılteme jasap.
“Sol künı bız dosymyzben qatty ıştık. Onyŋ 6 jastaǧy qyzy ainalamyzda jürgen. Men odan keiın ne bolǧanyn bılmeimın, ol maǧan eresek qyz siiaqty körındı. Ärine äreketım üşın ökınemın. Barlyǧyna ışımdık kınälı. Menıŋ mūndai qadamǧa barǧanyma otbasy älı senbeidı”, – deidı sottaluşy.
Sottalǧandarmen jūmys ısteitın psihologtardyŋ aituynşa, pedofilderdıŋ köp bölıgı jasaǧan ısıne ökınbeidı.
“Qylmys jasaǧandardyŋ 50 paiyzy ǧana qatesın moiyndap, jasaǧanyna ökınedı. Al qalǧandary “Men jasaǧan joqpyn, men emespın, basqalary kınälı” dep aqtalady”, – deidı inspektor-psiholog Merjan Mendıǧaliev.
Tärtıp saqşylary balalaryn qorǧau üşın ata-analarǧa olardyŋ ömırıne köbırek qyzyǧuşylyq tanytuǧa keŋes beredı. Mūndai qylmystar üşın jaza qataŋdatylady. Ötken jyldan berı pedofilder merzımınen būryn bostandyqqa şyǧa almaidy.
“Bızde kämeletke tolmaǧandardyŋ jynystyq qol sūǧylmauşylyǧyna qarsy qylmystar boiynşa 111 adam bar. Olardyŋ 99-y sottalǧan. 12 adam uaqytşa ūstau izoliatorynda otyr. Olardyŋ ükımderı älı zaŋdy küşıne engen joq. Olardyŋ bırıne himiialyq kastrasiia taǧaiyndaldy”, – deidı BQO boiynşa aǧa inspektor Äsel Bekbaeva.
Qazır eldegı koloniialarda ekı myŋǧa juyq pedofil jazasyn ötep jatyr.
“Adyrna” ūlttyq portaly
