Burabaidaǧy bes jūldyzdy qonaqüidıŋ qyzmetkerlerı jappai astan ulandy, dep habarlaidy “Adyrna” ūlttyq portaly Habar 24 arnasyna sılteme jasap.
Aqparat boiynşa, astan ulanǧan 17 qyzmetker medisinalyq kömekke jügındı. Qazır 9 adam jūqpaly aurular auruhanasynda jatqyzylǧan. Qalǧanynyŋ jaǧdaiy qalypty. Därıgerlerdıŋ aituynşa, barlyq nauqasqa bakteriialyq ışek infeksiiasy diagnozy qoiylǧan. Qazır qonaq üidıŋ meiramhanasyna jospardan tys tekseru jürgızılıp jatyr.
Qazır qonaqüidıŋ meiramhanasynan su, tamaq önımderı men şaiyndylardan 40-qa juyq synama alynyp, zerthanaǧa jıberıledı. Alǧaşqy qorytyndysy 3 kün aralyǧynda belgılı bolady. Basqa qyzmetkerlerden äzırge şaǧym tüsken joq ,– dedı sanitariialyq-epidemiologiialyq baqylau departamentı basşysynyŋ orynbasary Serık Omarhanov.
