28 aqpan men 2 nauryz aralyǧynda Almatyda «Şymbūlaq» tau şipajaiynda fristail-mogul jäne fristail akrobatikadan Älem kubogynyŋ ötedı. Būl turaly jasöspırımder arasyndaǧy älem chempionatyna arnalǧan baspasöz mäslihatynda «Şymbūlaq» tau şaŋǧysy kurortynyŋ direktory Rinat Äbdırahmanov aitty, dep habarlaidy ”Adyrna” ūlttyq portaly.
Aqparatqa säikes, būl jarystarǧa jazdan berı daiyndyq jürıp jatyr.
“Jasöspırımder arasyndaǧy älem chempionaty Qazaqstanda ǧana emes, Ortalyq Aziiada alǧaş ret ötıp jatyr. Uaqyt tyǧyzdyǧynan qiynşylyqtar boldy. Akrobatika men moguldarǧa arnalǧan trekterdı daiyndau üşın jazǧy jūmystardy mūqiiat jürgızdık. Būl jūmystardy ärıptesterımız joǧary baǧalady. Oǧan bızdıŋ mamandar ǧana emes, şeteldık, atap aitqanda Andorradan keŋesşıler de tartyldy. Olar bızge ūiymdastyru mäselesınde kömektestı», – deidı Rinat Äbdırahmanov.
Eske sala keteiık, 2018-2019 mausymynda Almatyda alǧaş ret fristail-moguldan älem chempionaty öttı. Odan keiın Qazaqstan qūramasynyŋ köşbasşysy Iýliia Galyşeva altynnan alqa taǧynǧan bolatyn.
Ūqsas jaŋalyqtar
