28 aqpan men 2 naýryz aralyǵynda Almatyda «Shymbulaq» taý shıpajaıynda frıstaıl-mogýl jáne frıstaıl akrobatıkadan Álem kýbogynyń ótedi. Bul týraly jasóspirimder arasyndaǵy álem chempıonatyna arnalǵan baspasóz máslıhatynda «Shymbulaq» taý shańǵysy kýrortynyń dırektory Rınat Ábdirahmanov aıtty, dep habarlaıdy ”Adyrna” ulttyq portaly.
Aqparatqa sáıkes, bul jarystarǵa jazdan beri daıyndyq júrip jatyr.
“Jasóspirimder arasyndaǵy álem chempıonaty Qazaqstanda ǵana emes, Ortalyq Azııada alǵash ret ótip jatyr. Ýaqyt tyǵyzdyǵynan qıynshylyqtar boldy. Akrobatıka men mogýldarǵa arnalǵan trekterdi daıyndaý úshin jazǵy jumystardy muqııat júrgizdik. Bul jumystardy áriptesterimiz joǵary baǵalady. Oǵan bizdiń mamandar ǵana emes, sheteldik, atap aıtqanda Andorradan keńesshiler de tartyldy. Olar bizge uıymdastyrý máselesinde kómektesti», – deıdi Rınat Ábdirahmanov.
Eske sala keteıik, 2018-2019 maýsymynda Almatyda alǵash ret frıstaıl-mogýldan álem chempıonaty ótti. Odan keıin Qazaqstan quramasynyń kóshbasshysy Iýlııa Galysheva altynnan alqa taǵynǵan bolatyn.
