Memleket basşysy salyq saiasatyn jetıldıru mäselesıne toqtalyp, salyq organdary men biznes arasyndaǧy qatynas jazalauşy emes, serıktestık negızınde qūryluy tiıs ekenın mälımdedı, dep habarlaidy "Adyrna" ūlttyq portaly.
Prezidenttıŋ aituynşa, memleket pen biznestıŋ tiımdı yqpaldastyǧy ädıldıkke, özara tiımdılıkke jäne ekonomikany damytuǧa ortaq jauapkerşılıkke negızdeluı qajet. Būl turaly ol juyrda «Turkistan» gazetıne bergen sūhbatynda aitqan.
"Jazalauşy mentalitetten arylatyn kez keldı. Salyq organdary men salyq töleuşıler arasynda serıktestık jäne özara senım qaǧidaty ornyǧuǧa tiıs. Memleket pen biznestıŋ tiımdı yqpaldastyǧyn jolǧa qoiu kerek. Mūndai serıktestık ädıldıkke, özara tiımdılıkke, tıptı ekonomikany damytudyŋ maŋyzyn tüsınu tūrǧysynan alǧanda jauapkerşılıkke qūryluǧa tiıs dep oilaimyn. Būl jönınde jaqynda «Turkistan» gazetıne bergen sūhbatymda aittym. Ükımettıŋ keibır müşelerımen äŋgımeden ūqqanym, ony bärı bırdei yqylas qoiyp oqymaǧan sekıldı. Qyzylordada ötken Ūlttyq qūryltai otyrysyndaǧy sözımdı de tolyq tüsınbegenderıŋız baiqalady. İnternet ūzaq mätınderdı oqudan alystatty. Onyŋ üstıne kıtaptar men maqalalardy oqymai-aq, mazmūnyn tyŋdai salatyn mümkındık paida boldy. Bıraq būl memlekettık qyzmetkerlerge jaraspaityn ädet. Oqu kerek. Äitpese, zeinet jasyna jetken kezde, oilanu qabıletınen aiyrylyp qalasyzdar", - dep eskertu jasady.
Prezident salyqtyq äkımşılendıru jüiesın jetıldıru maqsatynda bankter, agregatorlar men marketpleister salyq agentterı retınde tolyq jūmys ısteuı tiıs ekenın atap öttı.
"Bankter, agregatorlar men marketpleister salyqtyq äkımşılendırudıŋ äreket etu aiasyna tolyqtai enıp, salyq agentterı mındetın atqaruǧa tiıs. Memlekettık kırıster komitetıne tolyq sifrlyq rejimde jūmys ısteitın «fiskaldyq derekter fabrikasyna» ainalu mındetı jükteldı. Bükıl mäselenı şeşudıŋ jalǧyz dūrys joly – osy. 2027 jyldyŋ soŋyna deiın salyq jäne keden jüiesın basqarudyŋ sifrlyq täsılın engızu qajet. Būl – strategiialyq maŋyzy bar mındet. Sonymen qatar Ūlttyq tauarlar katalogy men Otandyq tauar öndıruşılerı reestrın jedel ıske qosyp, tauarlardy sifrlyq taŋbalau jüiesın keŋeitken jön. Bıraq tauar taŋbalaudy josparlanǧan öndırıske ziianyn tigızbei jasau kerek. Ministrlıkter qabyldaǧan jaŋa erejeler men şeşımder şeteldık jäne otandyq kompaniialardyŋ qyzmetıne kerı äser etpeuge tiıs. Mūndai jait elımızdegı investisiialyq klimatty naşarlatady. Otandyq jäne şeteldık kompaniialar būl mäselege alaŋdauşylyq bıldırıp, maǧan hat jazyp jatyr", - dedı Prezident.
