Жамбыл облысында 15 жастағы кәмелетке толмаған қыз сәбиін дүниеге әкелді, деп хабарлайды "Адырна" ұлттық порталы Todayinfo.kz-ке сілтеп.
Бұл оқиғаға қатысты бұрынғы Ұлттық ұланның қатардағы жауынгері күдікке ілініп отыр.
Облыстық полиция департаментінің мәліметінше, заңбұзушылық өңірдегі оқу орындарының бірінде жүргізілген профилактикалық іс-шара кезінде анықталған. Ақпарат белгілі болғаннан кейін тексеріс жүргізіліп, Қылмыстық кодекстің «16 жасқа толмаған тұлғамен жыныстық қатынасқа түсу» бабы бойынша қылмыстық іс қозғалды.
Қазіргі таңда күдікті — Ұлттық ұланның бұрынғы жауынгері. Тергеу басталған. Алайда оның қамауға алынғаны немесе бостандықта жүргені әзірге нақтыланбаған.
Тергеу амалдары жалғасып жатыр.
