Respublika kölemınde qiyn ömırlık jaǧdaiǧa tüsken otbasylardy qoldau men tūrmystyq zorlyq-zombylyqtyŋ aldyn alu maqsatynda tyŋ bastama qolǧa alynyp, «Janūia» otbasyn qoldau ortalyqtary tūǧyryn tıktegen bolatyn. Qazırgı taŋda atalǧan mekeme otbasylarǧa äleumettık, qūqyqtyq, psihologiialyq, qaiyrymdylyq baǧyttarynda ülken kömekter körsetude.
Alaköl audandyq «Janūia» otbasyn qoldau jäne belsendı ūzaq ömır süru ortalyǧynyŋ aşylǧanyna 1 jyldyŋ jüzı boldy. Jaŋa mekeme bolǧanymen jūmys jüiesıne tolyqtai enıp, bırşama ıste bastamaşyl bolyp keledı.
2025 jyldyŋ basynan berı ortalyqqa 18 otbasy jügınıp, qajettı qyzmetterdı aldy. Sonyŋ ışınde ışkılıkke salynyp, tar jol, taiǧaq keşulerde tura joldan taiyp ketken tūrǧyndar da boldy. Talai jyldar boiy aşşy sudyŋ qūrbany bolyp, ǧūmyrlary qūmyra ışındegı zalalmen bailanysyp ketken äielderdı oŋaltuǧa da köp küş salyndy.
Ortalyq tarapynan eŋ aldymen keluşılerdı qoǧamnyŋ tolyq müşesı ekendıgın sezdırıp, memleket är azamatyna kömek qolyn sozatyndyǧyn körsetude. Mäselen, qazırgı taŋda jūmyssyz bolǧan 4 äiel «Bos jūmys oryndary» järmeŋkesı jäne «Mansap» ortalyǧymen jürgızılgen jemıstı jūmystardyŋ arqasynda qyzmetke ornalasty. Ortalyqqa kelgende ömırdıŋ mänın joǧaltqandai küide bolǧan būl azamatşalar qazırgı taŋda bala-şaǧasynyŋ qamy üşın, özderınıŋ baiandy bolaşaǧy üşın küresuge küş aldy. Al küştı – ärine «Janūia» otbasyn qoldau ortalyǧy bergendıgı mälım.
Bügıngı taŋda keluşılerdıŋ bırı Üşaral qalalyq äkımdıgıne, ekınşısı Alaköl audandyq ortalyq auruhanasyna tazalyqşy retınde, üşınşısı ülken kısıge jeke kütuşı, törtınşısı Besköl auyldyq okrugı äkımdıgıne qoǧamdyq jūmysqa kırdı. Demek, qazırgı taŋda mektep jasyndaǧy balalaryn jetkızuge tūraqty tabys közı bar, ışkılıkten bas tartqan. Ortalyq qyzmetkerlerı apta saiyn atalǧan otbasylardy zerdeleu maqsatynda üilerıne baryp, sūhbattasu jūmystaryn jürgızude. Iаǧni, baqylau men jön körsetu, jol sılteu jūmystary jalǧasyn taba bermek.
Būl jerde aita ketetını tiımdı memorandumdyq kelısımşarttar äser etude. Alaköl audandyq «Janūia» otbasyn qoldau jäne belsendı ūzaq ömır süru ortalyǧy bırınşı kezekte Alaköl audandyq polisiia bölımımen, audandyq «Alaköl» gazetımen jäne «AlakölTV» aqparattyq-tanymdyq telestudiiasymen memorandum jasady. Būl öz kezegınde ortalyq qyzmetın jüielendıruge, mobildı toptardyŋ qyzmetın qarymdy etuge, jūmys barysyn keŋınen nasihattauǧa jol aşty. Bügınge keluşılerdı jūmyspen qamtu maqsatynda «Mansap» ortalyǧymen, balalardyŋ oquy men otbasylardyŋ densaulyǧyna den qoiu üşın audandyq bılım bölımı men audandyq ortalyq auruhanamen memorandum jasau ısı qolǧa alynyp otyr.
Otbasy – mahabbat pen janaşyrlyq mekenı. Būl qaǧidat sonau adamzat tarihy qalyptasqan mezetten berı kele jatqan ūǧym. Al qazırgıdei damyǧan zamanda otbasylyq kikıljıŋder men ūrys-kerıster, zorlyq-zombylyq köbeiıp jatqandyǧy ras. Al «Janūia» ortalyqtary osy baǧyttaǧy mäselelerdı retteuge ülken septıgın tigızıp otyr.
Almat SADİEV,
Alaköl audandyq «Janūia» otbasyn qoldau jäne belsendı ūzaq ömır süru ortalyǧynyŋ direktory
