Foto s saita apecs-s.com
Jogorku Keneş (Qyrǧyzstan Parlamentı) «Alpinizm turaly» zaŋ jobasyn qoǧamdyq talqylauǧa şyǧardy. Qūjatta biıktıgı 6000 metrden asatyn taularǧa şyǧu üşın arnaiy tölem engızu ūsynylǧan. Būl turaly Sport AKİpress jariialady, dep habarlaidy “Adyrna”.
Jobaǧa säikes, 6000 metrden joǧary şyŋdarǧa şyǧuǧa niettı barlyq alpinister arnaiy rūqsatnama (permit) aluǧa mındettı bolady. Būl qūjattyŋ qūny, qandai tauly aimaqtarǧa qoldanylatyny jäne rūqsatnama beru tärtıbı Qyrǧyzstan Ministrler kabinetı tarapynan retteledı.
Sonymen qatar, zaŋ jobasynda alpinisterdı mındettı türde saqtandyru, erejelerdı būzǧandarǧa qatysty jauapkerşılıktı qataŋdatu jäne şyŋǧa şyǧu qauıpsızdıgın qamtamasyz etu şaralary qarastyrylǧan. Jekelegen bölımde ekologiialyq talaptar da körsetılgen: ekspedisiiaǧa qatysuşylar qaldyqtardy arnaiy qaptar men konteinerlerge jinap, olardy tömenge tüsırıp, joiuy tiıs.
Būl bastamanyŋ avtory — «Bütın Qyrǧyzstan» partiiasynyŋ deputaty Emil Toktoşev. Onyŋ aituynşa, zaŋ jobasy gidter, nūsqauşylar, alpinizm klubtary men turistık kompaniialardyŋ qyzmetın rettep, infraqūrylymdy damytuǧa jäne alpinizm salasyndaǧy halyqaralyq yntymaqtastyqty keŋeituge baǧyttalǧan. Ol tauly aimaqtarda qauıpsızdıktı jüielı türde qamtamasyz etudıŋ maŋyzdylyǧyn atap öttı.
Zaŋ jobasy orys alpinisı Natalia Nagovisinamen bolǧan qaiǧyly oqiǧa aiasynda äzırlendı. Ol Pobeda şyŋynda (Tian-Şandaǧy eŋ biık nükte, 7439 m) aiaǧyn syndyryp, tömen tüse almai qalǧan. Qyrǧyzstandyq jäne şeteldık mamandardy tartqan qūtqaru operasiiasy men tıkūşaq qoldanylǧanyna qaramastan, ony qūtqaru mümkın bolmady.
Būl oqiǧa qoǧam men alpinizm salasyndaǧy käsıbi qauymdastyqta keŋ talqylauǧa ūlasyp, Ortalyq Aziiadaǧy qūtqaru jüielerınıŋ ūiymdastyryluy, qauıpsızdık standarttarynyŋ senımdılıgı jäne öŋır elderınıŋ özara ıs-qimylynyŋ tiımdılıgı turaly mäsele köterdı.
