Qyrǧyzstan astanasynda IV Bışkek halyqaralyq kinofestivalı öttı. Baiqau qorytyndysy boiynşa qazaqstandyq «Qaitadan» filmı «Üzdık film» atalymynda Gran-pri ielendı.
Festival aiasynda Qazaqstan, Qyrǧyzstan, Özbekstan, Täjıkstan jäne Türıkmenstan kinogerlerınıŋ tuyndylary ūsynylǧan Ortalyq Aziia baiqauy ūiymdastyryldy. Baiqau qorytyndysy boiynşa qazaqstandyq «Qaitadan» filmı «Üzdık film» atalymynda Gran-pri ielendı.
«Qaitadan» soŋǧy jyldardaǧy eŋ tabysty qazaqstandyq filmderdıŋ bırıne ainaldy. Ötken jyly kartina nebärı üş aptanyŋ ışınde prokatta 1 mlrd teŋgeden astam tabys jinap, otandyq kinoprokat köşın bastady.
Būǧan deiın film Qazaqstandaǧy kreativtı industriialar salasyndaǧy basty marapat — STEPPE AWARDS syilyǧynyŋ «Kinematografiia» sanaty boiynşa da jeŋımpaz atanǧan bolatyn.
Aita keteiık, joba 2023 jyly pitching jeŋımpazy atanyp, Qazaqstan Respublikasy Mädeniet jäne aqparat ministrlıgınıŋ qoldauymen jüzege asyryldy.
