Kaztalov audanynda Memleket basşysy Qasym-Jomart Kemelūly Toqaevtyŋ apatty mektepterdıŋ ornyna jaŋa bılım oşaqtaryn salu jönındegı tapsyrmasyna säikes, «Qaraşyǧanaq Petrolium Opereiting B.V.» kompaniiasynyŋ äleumettık jauapkerşılık aiasynda jüzege asqan 60 oryndyq jaŋa mektep paidalanuǧa berıldı. Jaŋa bılım ordasynyŋ aşylu saltanatyna Batys Qazaqstan oblysy äkımınıŋ orynbasary Qaiyrjan Meŋdıǧaliev, «Qaraşyǧanaq Petroleum Opereiting B.V.» bas direktorynyŋ orynbasary Mūhtar Mankeev, oblystyq bılım basqarmasynyŋ basşysy Eldos Safullin, audan äkımı Aslanbek Sarqūlov, audandyq mäslihat töraǧasy Sarsenbai Moldaşev qatysty.
Qonys auylynda alǧaşqy mekteptıŋ ırgetasy 1948 jyly salynǧan. Alǧaşynda V.İ.Lenin atyndaǧy jetı jyldyq mektep retınde aşylǧan bılım ordasy, 1957-1958 jyldary «Stroitel» jetı jyldyq mektebı bolyp, keiın 1976 jyly Krupskaia atyndaǧy 8 jyldyq mektep bolyp özgerıp, jaŋa mektep ǧimaraty boi kötergen. 1979-1980 oqu jylynda orta mektep bolyp qaita qūrylyp, alǧaşqy orta mektep tülekterı 1980 jyly bıtırdı.
Al «AMANAT» partiiasynyŋ sailaualdy baǧdarlamasyna engen, «Qaraşyǧanaq Petroleum Opereiting B.V.» kompaniiasynyŋ tapsyrysymen salynǧan nysannyŋ qūrylysyn «Smartech» JŞS jürgızdı. Zaman talabyna sai jabdyqtalǧan bılım ordasynda 11 oqu kabinetı, sport zaly, ashana, kıtaphana, mäjılıs zaly qarastyrylǧan.
Oblys äkımınıŋ orynbasary Qaiyrjan Meŋdıǧaliev jaŋa mekteptıŋ aşyluymen qūttyqtap, memlekettık saiasattyŋ jüzege asyrylyp jatqanyn jetkızdı.
- Bügın barşamyz üşın erekşe quanyşty sät! Konstitusiianyŋ 30 jyldyǧyna orai jäne jaŋa oqu jylynyŋ qarsaŋynda «Qaraşyǧanaq Petrolium Opereiting B.V.» kompaniiasynyŋ äleumettık jauapkerşılıgı aiasynda jüzege asqan 60 oryndyq jaŋa mekteptıŋ aşylu saltanatyna jinalyp otyrmyz. Prezidentımız biylǧy Tamyz konferensiiasynda «Bügın sanaly ūrpaq tärbielei alsaq, erteŋ zaman köşınıŋ basynda jüremız. Sondyqtan osy salany qoldau memlekettık saiasattyŋ negızgı basymdyǧy bolyp qala beredı...» degen bolatyn. Būl bılım ordasynyŋ boi köteruı — memleket pen biznestıŋ, jergılıktı bilık pen halyqtyŋ bırlesken eŋbegınıŋ jarqyn körınısı. «Qaraşyǧanaq Petrolium Opereiting B.V.» kompaniiasy öŋırımızdıŋ äleumettık damuyna belsendı üles qosyp keledı, - dedı oblys äkımınıŋ orynbasary.
Qaiyrjan Ermekūly öz sözınde Kaztalov audanynda soŋǧy 3 jylda atqarylǧan jūmystarǧa toqtaldy.
— Mektepterdıŋ apattylyǧyn, üşauysymdylyq mäselesın şeşu maqsatynda soŋǧy üş jylda oblysymyzda 7526 orynǧa 26 mektep salyndy, sonyŋ ışınde KPO b.v. kompaniiasynyŋ äleumettık investisiialyq jobasy aiasynda 1344 orynǧa 16 mektep, jergılıktı biudjet esebınen 1982 orynǧa 7 mektep, «Keleşek mektepterı» Ūlttyq jobasy aiasynda 4200 orynǧa 3 mektep paidalanuǧa berıldı. 2023 jyly Kaztalov auylynda Alma Orazbaeva atyndaǧy 600 oryndyq mektep, Jūldyz auylynda A.Hūsaiynov atyndaǧy 108 oryndyq mektep, Bostandyq jäne Qaraoba auyldarynda därıgerlık ambulatoriialar, sondai-aq Qaraözen auylynda feldşerlık-akuşerlık punkt ıske qosyldy. Al 2024 jyly Saraljyn auylynda 60 oryndyq mektep, Qaişaqūdyq auylynda moduldı medisinalyq punkt, Qaiyŋdy auylynda jaŋa mädeniet üiı, Kaztalov auylynda 320 oryndyq zamanaui sport keşenı paidalanuǧa berıldı. 2025 jyly 4 baǧyt boiynşa 20 äleumettık nysanǧa gaz kırgızıldı, «Qaladan-auylǧa» baǧdarlamasy boiynşa Jalpaqtal, Qaraözen, Orazǧali auyldaryna köşıp kelgen 8 otbasyǧa päter kıltı tabystaldy. Seksenbaev, Bozoba, Beisterek, Hairuş auyldaryna auyz suǧa arnalǧan blok-moduldy keşen ornatyldy. Būl nysandar - audan tūrǧyndarynyŋ äleumettık jaǧdaiyn jaqsartuǧa, sapaly bılım, densaulyq saqtau jäne mädeni-sporttyq infraqūrylymdy damytuǧa baǧyttalǧan memlekettık saiasattyŋ jemıstı nätijesı, — dedı ol.
Bılım ordasynyŋ aşylu saltanatynda jaŋa mektepke oblys äkımınıŋ atynan LED ekran tabystaldy. Sonymen qatar «Qaraşyǧanaq Petroleum Opereiting B.V.» bas direktorynyŋ orynbasary Mūhtar Mankeev söz alyp jyly lebızın bıldırse, audan äkımı Aslanbek Sarqūlov merdıger «Smartech» JŞS direktory Jänıbek Baiǧatovqa mektep qūrylysyn sapaly jürgızıp, uaqytyly aiaqtaǧany üşın alǧys hat tabys ettı. Mektep oquşylary men ūstazdar mektep tarihyn baiandap, jetıstıkterın atap öttı.
Jaŋa mekteptıŋ aşylǧany qonystyqtardyŋ da mereiın asyryp, tūrǧyndar quanyşymen bölıstı.
— Jaŋa mekteptıŋ salynǧany bız üşın ülken quanyş, zor jetıstık boldy. Būl – bolaşaq ūrpaqqa jasalǧan eŋ ülken qamqorlyqtyŋ, el erteŋıne degen airyqşa janaşyrlyqtyŋ aiqyn körınısı. Jaŋa şaŋyraqtan tälım alyp şyǧatyn şäkırtterdıŋ kökıregın bılım nūry säulelendırıp, bolaşaqta el igılıgıne qyzmet etetınıne senım mol. Osyndai igılıktı ıstı jüzege asyrǧan Memleket basşysyna, oblys pen audan basşylyǧyna qonystyqtar atynan alǧysymyz şeksız. Halyqtyŋ quanyşyn bölısıp, quat bergen būl kün tarihymyzdyŋ jarqyn betterınıŋ bırı bolyp jazylary anyq, — dedı ardager ūstaz Jauhar Saparǧalieva.
Qonys auylyndaǧy jaŋa mekteptıŋ aşyluy – eldıŋ bolaşaǧyna baǧyttalǧan strategiialyq qadam, ūrpaqqa jasalǧan zor qamqorlyq. Būl – auyldyŋ jaŋa tynysy, bılım kökjiegın keŋeitken quanyş. Endı Qonys auylynyŋ şäkırtterı zamanaui mektepte bılım alyp, öz äleuetın tolyq jüzege asyruǧa mümkındık alady. «Jaŋa mektep – jaŋa serpın, jaŋa mümkındık» degen senımmen, auyl bolaşaǧynyŋ nūrly bolaryna ümıt mol.
