Kaztalov audanynda soŋǧy üş jylda bılım salasyna erekşe köŋıl bölınıp, būl baǧyttaǧy jüielı jūmystar naqty nätijesın bere bastady. Memlekettık baǧdarlamalar aiasynda jüzege asqan jobalarmen qatar, audan äkımdıgınıŋ qoldauymen qolǧa alynǧan bastamalar da daryndy jastardyŋ talabyn ūştap, bılım sapasynyŋ artuyna oŋ yqpal etude.
Sonyŋ jarqyn körınısterınıŋ bırı — respublikalyq jäne halyqaralyq olimpiadalar men ǧylymi jobalarda top jarǧan oquşylardy, olardyŋ jetekşılerın ūlyqtauǧa arnalǧan saltanatty marapattau şarasy. Audan kölemınde daryndy oquşylardy qoldau dästürge ainalyp keledı. Bılım dodalarynda üzdık nätije körsetken şäkırtter men olardyŋ ūstazdaryna qūrmet körsetu jas buynnyŋ ǧylym men bılımge degen qyzyǧuşylyǧyn arttyryp, jaŋa jetıstıkterge jeteleudıŋ tiımdı tetıgı.
Qaraözen mektep-liseiınde dästürlı «Daryndylyqqa dara jol» atty respublikalyq olimpiada, ǧylymi joba jäne şyǧarmaşylyq baiqaular jeŋımpazdaryn marapattauǧa arnalǧan saltanatty keş öttı.
Taǧylymdy şaraǧa audan äkımı Aslanbek Sarqūlov, «AMANAT» partiiasy Batys Qazaqstan oblystyq filialynyŋ atqaruşy hatşysy Azamat Safimaliev, oblystyq bılım basqarmasy basşysynyŋ orynbasary Aqjarqyn Temırhanova, mektep direktorlary, ūstazdar, oquşylar qatysty.
Bılım men ǧylym bäigesınde audan abyroiyn asqaqtatyp jürgen daryndy jastardy ūlyqtauǧa arnalǧan keşte respublikalyq deŋgeide top jarǧan oquşylar men olardyŋ jetekşılerı marapattaldy.
Saltanatty jiynda audan äkımı Aslanbek Ahmetollaūly bılımdı ūrpaq — el bolaşaǧynyŋ kepılı ekenın atap öttı. Ol respublikalyq olimpiadalar men baiqaularda jeŋıs tūǧyrynan körınıp jürgen şäkırtterdıŋ jetıstıgı ūstaz eŋbegı men ata-ana qoldauynyŋ jemısı ekenın jetkızdı.
— Bügıngı basqosudyŋ basty sebebı jas daryndarymyz. Sızder tek şaǧyn mektep qana emes, asdannyŋ mereiın asqaqtattyŋyzdar. Bılım salasynda üştık odaqtyŋ naqty körsetkışı özderıŋızsızder. Prezident batamasymen audanymyzda bırqatar jūmystar atqaryluda. Soŋǧy üş jyldy 4 mektep paidalanuǧa berıldı, 2 mektep kürdelı jöndeuden ötıp, materialdyq tehnikalyq baza nyǧaityldy. Sonymen qatar oquşylarymyz oblystyq, respublikalyq jäne halyqaralyq baiqaular men pändık olimpiadalarda audan mereiın asqaqtatyp keledı, — dedı audan äkımı.
Keş barysynda jalpy bılım beretın pänder boiynşa respublikalyq olimpiada men auyl mektepterı oquşylary arasyndaǧy respublikalyq olimpiadalardyŋ jeŋımpazdary marapattaldy. Atap aitqanda, Ǧiniiat Moldaşev atyndaǧy jalpy orta bılım beretın mektebınıŋ 11 synyp oquşysy Mathat Raşidov qazaq tılı men ädebietı pänınen respublikalyq olimpiadalarda III oryn ielenıp, audan mereiın üstem ettı. Jetekşısı —Ainagül Qarasaeva. Osy mekteptıŋ taǧy bır oquşysy Asanälı Mūradymov matematika pänınen auyl mektepterı oquşylaryna arnalǧan respublikalyq olimpiadada II oryn aldy. Jetekşısı — Nūrbek Ötebaly.
Qaraözen mektep-liseiınıŋ 10 synyp oquşysy Aiaulym Tılepbergen qazaq tılı men ädebietı pänınen respublikalyq olimpiadada II oryn ielense, jetekşısı —Albina Tasqalieva. Alma Orazbaeva atyndaǧy jalpy orta bılım beretın mektebınıŋ 11 synyp oquşysy Talapova Dana Serıkqyzy respublikalyq olimpiadada qazaq tılı men ädebietı pänınen I oryn jeŋıp alyp, audan namysyn abyroimen qorǧady. Jetekşısı — Botagöz Sarmalaeva.
Sonymen qatar respublikalyq şyǧarmaşylyq jäne ziiatkerlık baiqaularda top jarǧan oquşylar da arnaiy marapattaldy. Kenjebek Mendaliev atyndaǧy jalpy orta bılım beretın mektebınıŋ 11 synyp oquşysy Maqsat Hamzin «Altyn tülek» matematikalyq olimpiadasynyŋ respublikalyq kezeŋınde III oryn alsa, Qaraözen mektep-liseiınıŋ 11 synyp oquşysy Aiat Şoqat osy olimpiadadan III oryn iegerı atandy. Bırık jalpy orta bılım beretın mektebınıŋ 11 synyp oquşysy Aizada Joldybai, Ǧūmar Qaraş atyndaǧy mektep-gimnaziiasynyŋ 11 synyp oquşysy Qaraqat Nūrbolat, Kaztalov mektep-liseiınıŋ 11 synyp oquşysy Jūmageldı Aiaulym Jädıgerqyzy da respublikalyq matematikalyq olimpiadada jüldelı oryndar ielendı.
Süleimen Esetov atyndaǧy mektep-böbekjai keşenınıŋ 8 synyp oquşysy Aqjürek Temırhanov «Tabiǧatty aiala» respublikalyq forumynda II oryn alsa, Kenjebek Mendaliev atyndaǧy jalpy orta bılım beretın mektebınıŋ 11 synyp oquşysy Nargiza Eleusınova respublikalyq «Aqberen» baiqauynda II orynǧa ie boldy. Aqpäter jalpy orta bılım beretın mektebınıŋ 10 synyp oquşysy Talǧatqyzy Aisäule XXVI respublikalyq «Abai oqulary» baiqauynda II oryn ielenıp, önerımen köpşılıktı täntı ettı.
Ǧiniiat Moldaşev atyndaǧy jalpy orta bılım beretın mektebınıŋ 8 synyp oquşysy Dumanqyzy Ämina respublikalyq «Äbış oqularynda» II oryn ielense, Alma Orazbaeva atyndaǧy jalpy orta bılım beretın mektebınıŋ 11 synyp oquşysy Nūrdaulet Ǧazizjan «Aqberen» baiqauynan III oryn jäne respublikalyq «Äbış oqularynan» I oryn jeŋıp aldy.
Sondai-aq respublikalyq ǧylymi jobalar konkursynda üzdık tanylǧan jas zertteuşıler de marapat törınen körındı. Süleimen Esetov atyndaǧy mektep-böbekjai keşenınıŋ 5 synyp oquşysy Ailana Nūrlanqyzy, Kaztalov mektep-liseiınıŋ oquşylary Mūhamedäli Maqsatūly, Eŋlık Amanjolqyzy, Miralı Mirlanūly, Şyntemır Mūhtarūly jäne Bostandyq jalpy orta bılım beretın mektebınıŋ 7 synyp oquşysy Saiat Jaiyqūly respublikalyq «Zerde» ǧylymi jobalar baiqauynda joǧary nätijelerge qol jetkızdı.
Jiynda jüldeger oquşylarǧa noutbuk, aqşalai sertifikattar tabystalyp, jetekşı ūstazdarǧa qarjylai syiaqy berıldı. Sonymen qatar, Qaraözen mektep-liseiınıŋ alǧaşqy direktorlarynyŋ bırı bolǧan ūlaǧatty ūstaz Mütiǧolla Temirhanovtyŋ ūrpaqtary lisei oquşylary Aiaulym Tılepbergen men Marǧūlan Utegenovke arnaiy şäkırtaqy tabystady.
Saltanatty şarada söz alǧan «AMANAT» partiiasy Batys Qazaqstan oblystyq filialynyŋ atqaruşy hatşysy Azamat Safimaliev, oblystyq bılım basqarmasy basşysynyŋ orynbasary Aqjarqyn Temırhanova oquşylardy jetıstıkterımen qūttyqtap, jyly lebızın bıldırıp, partiialyq jäne basqarma basşysynyŋ alǧys hattaryn tabys ettı.
Aita keteiık respublikalyq pändık olimpiadanyŋ I oryn iegerınıŋ jetekşısıne 1 mln teŋge, II orynǧa 700 myŋ teŋge, 3 orynǧa 500 myŋ teŋge kölemınde qarjylai syiaqy berıldı. Al respublikalyq şyǧarmaşylyq jäne ziiatkerlık baiqaular men ǧylymi jobalar konkursynda üzdık tanylǧan oquşylar men jetekşılerı de qarjylai syilyqqa ie boldy. Sonymen qatar auylda mal ūstaityn ūstazdarǧa 1 tırkeme şöp berılmek. Oquşylardyŋ talabyn şyŋdap, qarjylai qoldau körsetken audan äkımı, audandyq mäslihat deputattary, audanymyzdyŋ käsıpkerlerı jäne Oral qalasyndaǧy jerlesımız «Batys Biznes» JŞS direktory Aian Serıkūly Moldaǧaliev ekenın atap ötken jön.
Azamat SAFİMALİEV, «AMANAT» partiiasy Batys Qazaqstan oblystyq filialynyŋ atqaruşy hatşysy:
— Jalpy sızdıŋ audanda balalardyŋ qandai jetıstıkke jetıp jatyrǧanyn, bızdıŋ balalarymyzdyŋ oqu kezeŋınde tek qana audandyq, oblystyq ǧana emes, respublikalyq deŋgeide ülken jetıstıkke jetıp jatyrǧanynan habardarmyz. Eŋ bırınşıden būl ata-ananyŋ tärbiesı, odan keiın ūstazdardyŋ tynymsyz eŋbegı. Osy ūstazdardyŋ arqasynda bügın bız jarqyraǧan bolaşaǧymyz, büldırşın balalarymyzdy marapattap, ülken şarada kezdesıp jatyrmyz. Qazırgı uaqytta elımızde Prezident tapsyrmasymen, Ükımettıŋ baqylauymen ülken ıster atqarylyp jatyr. Būnyŋ barlyǧy balalarymyzdyŋ bolaşaǧy jarqyn bolsyn degen niette jüzege asyp jatyr.
Aqjarqyn TEMIRHANOVA, BQO bılım basqarmasy basşysynyŋ orynbasary:
—Men üşın būl tolǧandyratyn sät. Osy mektepte bırınşı synyptan bastap, bılım alyp, tärbie alyp, ülken ömırge attandyq. Belgılı bır därejede altyn ūia mektebıme qaita oralyp, maŋyzdy şaranyŋ kuäsı bolyp otyrǧanyma quanyştymyn. Zalda otyrǧan oquşylarymyz süttıŋ betındegı qaimaqtary, iaǧni, audannyŋ bılım salasynda jetıstıkke jetıp jürgen oquşylarymyz eken. Jetıstıkterıŋız qūtty bolsyn! Būl jetıstıkter aldaǧy uaqytta da sızderdıŋ ömırıŋızde tabysty boluyŋyzǧa septıgın tigızedı. Kaztalov audany bılım beru salasy boiynşa öŋırde aldyŋǧy qatarly orynda. Audan äkımı Aslanbek Ahmetollaūlynyŋ bılımdı balalardy qoldau baǧytyndaǧy bastamasy öte oryndy. Özge audandarǧa ülgı bolarlyq.
Äsemjan TASQALİEVA, Qaraözen mektep-liseiınıŋ matematika pänınıŋ mūǧalımı, pedagog-moderator:
— Bügıngı tabandy eŋbek, maŋdai ter, ümıt pen senım, jeŋıs pen qoşemettıŋ merekesı qūtty bolsyn! Bılım älemındegı ärbır jyl, ärbır jaŋa beles. Biyl da şäkırtterımız respublikalyq dodalarda jüldelı oryn alyp, bızdıŋ bergen bılımımızdıŋ bäsekege qabılettı ekenın taǧy bır däleldedı.Osydan üş jyl būryn şäkırtım Zeinollaqyzy Aqjan respublikalyq olimpiadada bırınşı oryn alyp, audanymyzda alǧaşylardyŋ bırı bolyp 500 myŋ teŋgelık sertifikatpen marapattalǧan bolatynmyn. Bügın Aiaulym şäkırtımnıŋ jeŋısımen, taǧy da osyndai keşte jüzdesu jazylǧan eken. Barşa körsetken qūrmet, qoşemetterıŋız üşın alǧysymyz şeksız. Būnyŋ barlyǧy ūstaz ben şäkırtke artylǧan senım, jasaǧan eŋbekterı üşın jasalǧan qoşemet pen qoldap dep tüsınemın. Bılım älemınde är mekteptıŋ, är ölkenıŋ tarihyna özderınıŋ esımderın altyn ärıppen jazyp jatyrǧan qūrmettı bılım älemınıŋ janaşyrlary: «Adamdyq boryşyŋ, halqyŋa eŋbek qyl», - dep ūrandatqan Şäkärım babamyzdyŋ sözımen öz sözımdı qorytyndylaǧym keledı.
Qaitadan qaiyrylyp qauymǧa kelmeisıŋ,
Baryŋdy, närıŋdı tırlıkte bergeisıŋ.
Ǧibrat alar artyŋa ız qaldyrsaŋ,
Şyn baqyt - osyny ūq mäŋgı ölmeisıŋ.
Gülaiym ÖTEGENOVA, Kaztalov mektep-liseiınıŋ bastauyş synyp mūǧalımı, pedagog-zertteuşı:
— Erekşe kezdesudıŋ bırı jäne jüregımdı terbetken, mamandyǧyma degen mahabbatty odan saiyn arttyrǧan sät dep bılemın. Osy sättı qoldana otyryp, osy şarany ūiymdastyruǧa mūryndyq bolǧan audandyq bılım beru bölımıne, qoldaǧan audan äkımdıgıne, oblystyq bılım basqarmasyna, «AMANAT» partiiasy BQOF-na ūstazdarǧa körsetken qūrmetterıŋız üşın şynaiy arǧysymdy bıldıremın! Sızderdıŋ qūrmetterıŋız osy jerde otyrǧan ūstazdarǧa ǧana körsetılgen baǧa emes, jalpy şäkırtterge bılım men tärbie berıp jürgen ūstazdarǧa degen baǧa dep bılemın jäne oquşylardyŋ odan ärı qanattanuyna serpılıs boldy dep tüsınemın. Ūstaz üşın eŋ biık jetıstık, ol oquşysynyŋ biık belestı baǧyndyruy. Osy oraida menıŋ kışkentai ǧana oquşym Mūhamedäli respublikalyq «Zerde» ǧylymi jobalar baiqauynan jüldelı III oryn alyp, menıŋ ūstazdyq baqytymdy eselegen bolatyn. Taǧy bır märte oquşymdy qūttyqtaǧym keledı. Būl oquşylardyŋ jeŋımpaz atanuy, tek oquşynyŋ talpynysy ǧana emes, japy ata-analardyŋ jan-jaqty qoldauy, ūjymnyŋ bırlesken eŋbegınıŋ nätijesı dep bılemın. Aldaǧy uaqytta da osy şäkırtterdıŋ talpynysyn şyŋdap, daryndylyǧyn dara etuge barşa ūstazdyq ebegımdı aiamaimyn dep senım bıldıremın. Eŋ bastysy elımız tynyş, balalarymyzdyŋ bolaşaǧy jarqyn bolsyn!
Albina TASQALİEVA, Qaraözen mektep-liseiınıŋ qazaq tılı men ädebietı pänınıŋ mūǧalımı, pedagog-zertteuşı:
— Ūstaz eŋbegı – bolaşaqqa salynǧan investisiia dep oilaimyn. Men üşın biylǧy jyl erekşe boldy. «Qaladan-auylǧa» baǧdarlamasy boiynşa otbasymmen Qaraözen auylyna köşıp keldım. Auyl tūrǧyndary, mektep ūjymy bızdı jyly qarsy aldy. Osynyŋ arqasynda bız jūmysymyzdy senımmen atqaryp, oquşylarymyzdy jeŋıske jeteledık. Oquşylarymyz audandyq, oblystyq, respublikalyq olimpiadalarda jüldelı oryndar aldy. Osyndai auyldyŋ damuyna kışkene bolsa da öz ülesımızdı qosqanymyz bız üşın ülken maqtanyş. Osy baǧdarlamaǧa atsalysyp, damuyna qoldau bıldırgen Batys Qazaqstan oblysynyŋ äkımı Nariman Töreǧaliūlyna, Kaztalov audanynyŋ äkımı Aslanbek Ahmetollaūlyna, audandyq bılım beru bölımınıŋ basşysy Samal Qanapiiaqyzyna, Qaraözen auyldyq okrugınıŋ äkımı Nūrhat Satybaldyūlyna, Qaraözen mektep-liseiınıŋ direktory Uälihan Erǧaliūlyna alǧysymdy aitamyn. Barşaŋyzdyŋ otbasylaryŋyzǧa amandyq, eŋbekterıŋızge jemıs tıleimın!
Dana TALAPOVA, Alma Orazbaeva atyndaǧy jalpy orta bılım beretın mektebınıŋ 2026 jylǧy tülegı:
— Bügın men üşın erekşe ärı quanyşty kün boldy. Audan basşylyǧynyŋ bastamasymen ūiymdastyrylǧan būl taǧylymdy şaraǧa oblystyq bılım basqarmasy basşysynyŋ orynbasary, «AMANAT» partiiasy Batys Qazaqstan oblystyq filialynyŋ atqaruşy hatşysy jäne audan äkımı qatysyp, daryndy jastarǧa qūrmet körsetuı bızge ülken serpın syilady. Mūndai qoldau bılımge ūmtylǧan jas ūrpaqqa körsetılgen zor senım dep bılemın. Būl menıŋ eŋbegıme berılgen joǧary baǧa ärı ülken jauapkerşılık. Aldaǧy uaqytta da audanymyzdyŋ abyroiyn asqaqtatuǧa bar küş-jıgerımdı salamyn.
Asylbek NÄSIPQALİŪLY
