Oral qalasyndaǧy mädeniet jäne demalys saiabaǧynda «Taza Qazaqstan» ideologemasy aiasynda «JaiyqTazaRiver» ekologiialyq aksiiasy öttı. Is-şaranyŋ basty maqsaty – jastar arasynda ekologiialyq mädeniettı qalyptastyru, tabiǧatty qorǧau ısıne qoǧam nazaryn audaru jäne belsendı azamattyq ūstanymdy därıpteu.
Ekologiialyq aksiiaǧa Batys Qazaqstan oblysy äkımınıŋ orynbasary Qaiyrjan Ermekūly Meŋdıǧaliev qatysyp, jastarmen kezdesu barysynda qorşaǧan ortany qorǧaudyŋ maŋyzdylyǧyna toqtaldy. Ol öz sözınde «Taza Qazaqstan» bastamasy aiasynda jüzege asyrylyp jatqan jūmystardyŋ qoǧam üşın maŋyzy zor ekenın atap öttı.
Şaraǧa öŋırdıŋ belsendı jäne tanymal jastary qatysyp, aşyq formatta pıkır almasty. Kezdesu barysynda ekologiialyq bastamalardy damytu, jastardyŋ qoǧamdaǧy rölı, volonterlık qyzmettı keŋeitu jäne jasyl oilau mädenietın qalyptastyru mäselelerı talqylandy. Qatysuşylar tabiǧatty qorǧau tek memlekettık deŋgeidegı mındet emes, är azamattyŋ jeke jauapkerşılıgı ekenın erekşe atap öttı.
Aksiia aiasynda jastar Jaiyq özenı boiymen keme arqyly jüzıp ötıp, jaǧalaudy qoqystan tazartu jūmystaryn jürgızdı. Sonymen qatar aǧaş otyrǧyzu aksiiasy ūiymdastyrylyp, öŋırdıŋ ekologiialyq ahualyn jaqsartuǧa baǧyttalǧan naqty ıs-şaralar jüzege asyryldy. Jaǧalau aumaǧynda erkın formattaǧy basqosu ötıp, qatysuşylar qorşaǧan ortany qorǧauǧa qatysty öz ūsynystary men oi-pıkırlerın ortaǧa saldy.
BQO äkımınıŋ orynbasary Qaiyrjan Ermekūly Meŋdıǧaliev:
«Bügıngı kezdesudıŋ basty maqsaty – jastarǧa “Taza Qazaqstan” ideiasyn keŋınen tüsındıru jäne olardyŋ belsendı azamattyq ūstanymyn qalyptastyru. Ekologiialyq mädeniet – el bolaşaǧynyŋ sapasyn aiqyndaityn maŋyzdy faktorlardyŋ bırı. Osy baǧyttaǧy jastar bastamalaryn qoldau – bızdıŋ basty mındetımız. Jyl basynan berı “Taza Qazaqstan” aksiiasy aiasynda “Özıŋnen basta” chellendjı qolǧa alyndy. Chellendjdıŋ negızgı maqsaty – tabiǧatty qorǧau men qorşaǧan ortaǧa janaşyrlyq ärqaisymyzdyŋ özımızden bastalatynyn tüsındıru», – dedı.
Kezdesu barysynda jastar spikerlerge sūraqtar qoiyp, ekologiialyq volonterlık qozǧalysty damytu, jastar jobalaryn qoldau jäne qoǧamdaǧy ekologiialyq jauapkerşılıktı arttyru mäselelerı boiynşa öz ūsynystaryn bıldırdı.
«JaiyqTazaRiver» aksiiasy jastardyŋ tabiǧatqa degen janaşyrlyǧyn arttyryp, öŋırdegı ekologiialyq mädeniettı damytuǧa baǧyttalǧan maŋyzdy bastamalardyŋ bırıne ainaldy.
