AQŞ memlekettık hatşysy öz paraqşasynda AQŞ-tyŋ halyqaralyq damu agenttıgınıŋ (USAID) jabylǧanyn jazdy, dep habarlaidy "Adyrna" ūlttyq portaly Kursivke sıltep.
Būl şeşım prezident Donald Tramptyŋ bastamasymen qolǧa alynǧan auqymdy reforma aiasynda qabyldandy.
Rubionyŋ aituynşa, 2025 jyldyŋ qaŋtarynda şeteldık kömek baǧdarlamalary 90 künge toqtatylyp, qaita qaraldy.
«Qaŋtardan berı bız salyq töleuşılerge ondaǧan milliard dollar ünemdedık. USAID resmi türde jabylady, negızgı baǧdarlamalar Memlekettık departamentke berıledı», – dedı memlekettık hatşy.
The Guardian deregınşe, 2025 jyldyŋ 30 qyrküiegıne deiın USAID-tıŋ barlyq şeteldık ökıldıkterı jabylyp, agenttık baǧdarlamalarynyŋ 83%-y qysqarǧan.
Donald Tramp Kongreske jasaǧan ündeuınde USAID şyǧyndaryn «dauly» jäne «mänsız» dep atap, şeteldegı LGBT qūqyqtaryn qorǧauǧa bölıngen 40 mln dollardy, sonyŋ ışınde Qazaqstandaǧy LGBT qauymdastyǧyna qoldau körsetuge bölıngen 10 mln dollardy synǧa aldy.
The New York Post mälımetınşe, Tramp äkımşılıgı şeteldık kömektı 5 mlrd dollarǧa qysqartudy josparlap otyr. Onyŋ 3,2 mlrd dollary USAID ülesıne tiesılı bolǧan.
Alaida Lancet jurnaly USAID baǧdarlamalarynyŋ toqtauy gumanitarlyq kömektıŋ qysqaruyna äkelıp, aldaǧy jyldary 14 mln-nan astam adamnyŋ ömırıne qauıp töndıruı mümkın ekenın eskerttı.
