Studentterdı baspanamen qamtamasyz etu mäselesı tolyq şeşılgen joq. Būl turaly Ǧylym jäne joǧary bılım ministrlıgı Joǧary jäne joǧary oqu orynnan keiıngı bılım komitetı töraǧasynyŋ mındetın atqaruşy Aqerke Abylaihan mälımdedı, dep habarlaidy «Adyrna» tılşısı.
Aituynşa, bügınde el boiynşa oryn tapşylyǧy şamamen 8 myŋdy qūraidy, al eŋ kürdelı jaǧdai Almaty qalasynda saqtalyp otyr.
«Studentter baspanasyz qalmaidy. Qazırgı taŋda mäsele tolyq şeşılgen joq. Bızde universitet janyndaǧy jataqhanalar bar, onda äleumettık osal sanattaǧy studentter men ülken qalaǧa alǧaş kelgen bırınşı kurs studentterı ornalastyrylady. Bügıngı taŋda 6 160 student hostelderde, al taǧy 1 027 student qonaqüilerde tūryp jatyr»,–dedı ol.
2018 jyldan berı elımızde 62 myŋ orynǧa arnalǧan 250-den astam jataqhana salyndy. Būl nysandar memlekettık-jekemenşık ärıptestık baǧdarlamasy aiasynda boi köterdı. Studentterdı ornalastyru üşın memleket subsidiia böledı, sol sebeptı investorlarǧa qūnyn 40 myŋ teŋgeden asyrmau turaly talap qoiylǧan.
Aqerke Abylaihannyŋ aituynşa, Almaty, Astana qalalarynda jataqhananyŋ ailyq aqysy 20 myŋ teŋgeden bastalady. Universitet janyndaǧylardyŋ baǧasy 30 myŋ teŋgege deiın barady.
