Elımızde Konstitusiianyŋ 30 jyldyǧyna orai jariialanǧan raqymşylyq jasau kezeŋı aiaqtaldy. Būl turaly 1 qazanda Işkı ıster ministrınıŋ orynbasary Sanjar Ädılov aitty, dep habarlaidy «Adyrna» tılşısı.
«Bız būl jūmysty aiaqtadyq. Bostandyqqa tek qamaudaǧylar ǧana emes, sondai-aq qylmystyq qudalau aiasynda bolǧan, bıraq jeŋıl jäne ortaşa auyrlyqtaǧy, materialdyq ziian keltırmegen qylmystar jasaǧan azamattar da şyqty», – dedı Ädılov Mäjılıs kuluarynda.
Ol amnistiiaǧa ılıkkenderdıŋ naqty sany men olardyŋ qandai qylmystar üşın jaza ötegenı turaly tolyq aqparatty keiın beruge uäde ettı. Sonymen qatar ışkı ıster ministrınıŋ orynbasary bostandyqqa şyqqandardyŋ barlyǧy probasiialyq baqylauda bolatynyn, būl mındet äkımşılık polisiiaǧa jüktelgenın atap öttı.
Aita keteiık, 2025 jyldyŋ mausym aiynda prezident Qasym-Jomart Toqaev amnistiia turaly zaŋǧa qol qoiǧan bolatyn. Būǧan deiın raqymşylyq 15 myŋnan astam sottalǧan adamǧa jasalynatyny aitylǧan.
