Parıj Olımpıadasy paralımpıada oıyndarymen jalǵasyp jatyr. Júlde boıynsha alǵashqy ondyqtyń qatarynda Ózbekstan quramasy bar, dep habarlaıdy "Adyrna" ulttyq portaly.
Qazaqstan quramasy paralımpıada oıyndarynyń nátıjesinde bir kúmis bar. Ony Erkin Ǵabbasov jeńip aldy. Para sportshy fınalda R1 klassynda vıntovkamen 10 metrge para nysana kózdeýden synǵa túsken otandasymyz qarsylastarynan basym túsip, 247.7 upaı jınady. Osylaısha kúmisti enshilegen. Qazaqstan quramasy 48 oryndy ıelenip tur.
Al júldeler boıynsha alǵashqy úshtikti Qytaı bastap tursa, ekinshi orynda Ulybrıtanııa, úshinshi orynda Brazılııa tur.
Al Ózbekstan ulttyq paralımpıada komıteti el quramasynda 11 júlde bar ekenin málimdedi. Osylaısha kórshiles respýblıka jetinshi orynǵa jaıǵasty.
Júldelerdiń beseýi altyn, úsheýi kúmis, úsheýi qola.
