2025 jyldyŋ qaŋtar-mausym ailarynda Qazaqstanda jarty millionnan astam adam jūmyssyz qaldy, dep habarlaidy "Adyrna" ūlttyq portaly LS-ke sılteme jasap.
Ūlttyq statistika biurosynyŋ derekterıne süiensek, osy kezeŋde 506 myŋnan astam qazaqstandyq jūmys ornynan ketken. Onyŋ ışınde 91,8 myŋ adam türlı sebeptermen jūmystan şyǧarylsa, 414,5 myŋ adam öz erkımen qyzmetınen ketken.
Qyzmetkerlerdı qysqartu saldarynan 7,7 myŋ adam jūmyssyz qalǧan. Eŋbek tärtıbın būzǧany üşın 3 myŋnan astam qazaqstandyq jūmystan şyǧarylǧan. Al 2,8 myŋ adam ekı tarapqa da täuelsız sebepterge bailanysty jūmystan aiyryldy. Käsıporyndardyŋ jabyluy 758 adamnyŋ jūmyssyz qaluyna äkelse, lauazymǧa sai kelmeu nemese bılıktılıktıŋ jetkılıksızdıgı sebebınen 265 adam jūmystan bosatylǧan. «Basqa sebepter» sanatyna 77,2 myŋ adam kırgen.
Jūmyssyz qalǧandardyŋ köbı önerkäsıp salasynda (88,7 myŋ), sauda jäne avtokölık pen motosikl jöndeu (75,5 myŋ), bılım beru (60,7 myŋ), memlekettık basqaru jäne qorǧanys (49,4 myŋ), densaulyq saqtau jäne äleumettık qyzmet körsetu (47,5 myŋ) salalarynda bolǧan.
Kadrlar tūraqsyzdyǧy eŋ joǧary salalar retınde jyljymaityn mülıkpen operasiialar (41,4%), jarnama jäne naryqty zertteu (40,6%), bölşek sauda (34,8%), kino, telebaǧdarlama jäne muzyka öndırısı (28,3%), jūmyspen qamtu qyzmetı (28,3%), turistık agenttıkter (24,3%) körsetılgen.
Öŋırler boiynşa Almatyda 101,5 myŋ adam jūmystan ketken. Al Astanada 59,6 myŋ, Qaraǧandy oblysynda 37,9 myŋ, Atyrau oblysynda 36 myŋ adam jūmyssyz qalǧan.
