«Aq jol» Demokratııalyq partııasy Qazaq ulttyq ýnıversıtetine jer aýmaǵy kóleminiń belgisiz sebeptermen azaıýyna baılanysty alańdaýshylyq bildirýde. Bul týraly Májilistiń jalpy otyrysynda frakııa depýtaty Berik Dúısembınov depýtattyq saýal joldady, dep habarlaıdy "Adyrna" ulttyq portaly.
QR Bas prokýrory
Ǵ. D. Nurdáýletovqa
QR Bilim jáne ǵylym mınıstri
A. Q. Aımaǵambetovqa
«Aq jol» frakııasynyń saýaly Qazaq eliniń shamshyraǵy bolǵan, qabyrǵasynda Qanysh Satbaev pen Muhtar Áýezov dáris bergen, al juldyzdy túlekteriniń tizimi osy saýalǵa syımaıtyn, Qazaqstannyń joǵary biliminiń qara shańyraǵy Qazaq ulttyq ýnıversıteti týraly bolmaq.
Bir ǵasyrǵa jýyq tarıhy bar Ulttyq ýnıversıtettiń búgingi janashyr túlekteri men qoǵam belsendileri Ýnıversıtetke tıesili jer aýmaǵy kóleminiń belgisiz sebeptermen azaıýyna baılanysty alańdaýshylyq bildirýde.
Jer quqyǵy boıynsha sarapshy, zańger Baqytjan Bazarbektiń málimetterine súıensek, 2012 jylǵy 30 qańtardaǵy Almaty qalasy ákiminiń qaýlysyna sáıkes Ýnıversıtettiń jalpy kólemi 73,26 gektar jer paıdalaný quqyǵyna berilgen.
Al, 2017 jyly 2 qazanda Almaty qalasynyń ákiminiń № 4/392-22-36 degen qaýlysyna sáıkes QazUÝ-niń jalpy jeri úlesterge bólinip, jer kólemi - 72,48 gektar bolyp shyqty. Sonyń ishinde QazUÝ-niń tikeleı úlesin alatyn bolsaq, ol – 71,40 gektar jer, ıaǵnı, oqý ornynyń jalpy jer kólemi 1,8 gektarǵa azaıǵanyn baıqaımyz.
Bul oraıda, «Ýnıversıtetke tıesili jer nege azaıǵan?» degen suraq týyndaıdy. Elimizdiń bilim ordasynda oqıtyn jastarymyzdyń ıgiligine arnalǵan jer belgisiz bireýlerdiń enshisinde, qazaqsha aıtqanda, «ustaǵannyń qolynda, tistegenniń aýyzynda» kete bermek pe? Osy máselege kimder jaýapty degen suraqqa ókiletti organdardan mardymdy jaýap bolǵan joq.
Mundaı jaǵdaılar tek Ulttyq ýnıversıtetpen ǵana shektelip júrgen joq. Elimizdiń ár aımaǵynda joǵarǵy oqý oryndarynyń jer telimderiniń jeke menshikke satylyp jatqanyn, stýdent jastar turatyn jatahanalardyń azaıyp, Ýnıversıtet menshigindegi oqý proesterin qamtamasyz etetin qosymsha jyljymaıtyn múlik obektileriniń saýdaǵa salynyp jatqanynan buqaralyq aqparat quraldarynan jáne barlyǵyn kórip bilip otyrǵan eldiń aýzynan estip júrmiz. Mysaly, Shyǵys Qazaqstan Memlekettik ýnıversıtetiniń bas ǵımaratynan on qadam qashyqtyqta ornalasqan óndiristik sheberhana búginde oıyn-saýyq ornyna aınalǵan.
Joǵarydyǵyny baıandaı kelip, «Aq jol» frakııasynyń depýtattary:
- Memleket múddesi men jastardyń bilim alý bolashaǵyn eskere otyryp, Qazaq Ulttyq ýnıversıtetine tıesili jer aýmaǵynan jer ýchaskeleriniń bólinip shyǵarylǵany qanshalyqty zańdy ekenin tekserip, zańsyzdyq oryn alǵan jaǵdaıda jaýapty adamdardy jáne halqymyz kıeli sanap, árqashan erekshe qurmetpen qaraıtyn bilim oshaqtaryna qarap aýzyn ashyp otyrǵan toǵysharlardy jaýapqa tartýdy;
- Osyndaı tekserýdi oblystarda ornalasqan joǵarǵy oqý oryndarynda da júrgizip, nátıjesin bizge habarlaýlaryńyzdy suraıdy.
Qurmetpen,
«Aq jol» frakııasynyń depýtattary
