Densaulyq saqtau ministrı Aqmaral Älnazarova Ürjardaǧy qaiǧyly oqiǧadan zardap şekken balalardyŋ jaǧdaiyn bılu üşın elordadaǧy №2 köpbeiındı qalalyq balalar auruhanasy bardy dep, habarlaidy «Adyrna» tılşısı.
«Bügın Densaulyq saqtau ministrı Aqmaral Älnazarova jäne Astana qalasynyŋ Qoǧamdyq densaulyq saqtau basqarmasynyŋ basşysy Äliia Şaizadaqyzy Rüstemova Ürjarda bolǧan qaiǧyly oqiǧadan zardap şekken balalardyŋ jai-küiın bılu üşın keldı. Sapar barysynda olar balalardyŋ anasymen äŋgımelestı»,—delıngen habarlamada.
Auruhananyŋ baspasöz qyzmetı zardap şekkenderge qajet barlyq medisinalyq kömek tolyq kölemde körsetılıp jatqanyn atap öttı.
«Därıgerler balalardyŋ ömırın qūtqaru üşın qoldan kelgennıŋ bärın jasauda»,—dep tolyqtyrdy mekemenıŋ baspasöz qyzmetı.
Eske salaiyq, 19 tamyzda Besterek auylynda 55 jastaǧy jürgızuşı kölıgın basqara almai, qaqpa aldynda oinap jürgen balalardy qaǧyp ketken bolatyn. Apat saldarynan 3 bala köz jūmdy. Taǧy üş jasöspırım türlı jaraqatpen auruhanaǧa jetkızıldı. 20 tamyzda auruhanaǧa tüsken üş balanyŋ ekeuın sanaviasiia ūşaǧymen Astanaǧa alyp kettı. Auruhanaǧa tüsken üş balanyŋ da bas süiegı zaqymdanǧan. Sondai-aq tırek-qimyl apparaty men ışkı aǧzalary jaraqattanǧan.
Qazırgı taŋda jürgızuşı ūstalyp, Ürjar audanynyŋ uaqytşa ūstau izoliatoryna qamaldy. Medisinalyq saraptama onyŋ jol apaty kezınde esırtkı men ışımdık qoldanbaǧanyn körsettı.
