Qaraǧandy oblysy Abai audanynda «Taza Qazaqstan» jalpyūlttyq aksiiasy aiasynda «Tabiǧatty qorǧaiyq!» atty ekologiialyq kvest ūiymdastyryldy. Oǧan orta buynnan 100-den astam oquşy qatysty. Olar üşın būl tek oiyn ǧana emes, tabiǧat aldyndaǧy jauapkerşılıktıŋ naǧyz sabaǧy boldy.
Qatysuşylar jetı stansiiadan ötıp, türlı tapsyrmalardy oryndady.
Balalar oiyn türınde qoqysty sūryptaudy üirendı, qaldyqtardy qaita öŋdeu erejelerımen tanysty, ekologiiaǧa paida äkeletın jäne ziian tigızetın äreketterdı ajyratudy meŋgerdı.
Ärbır synaq balalardy bır maŋyzdy aqiqatqa jaqyndatty: tabiǧatqa qamqorlyq kündelıktı äreketterden bastalady.
Kvesttı ūiymdastyruşy, ekolog jäne «Jastar Aliansy» qoǧamdyq bırlestıgınıŋ töraǧasy Temırlan Käkenov atap öttı:
— «Taza Qazaqstan» — būl tek aumaqtardy tazalau ǧana emes. Eŋ aldymen ol – ekologiialyq sanany qalyptastyru. Ony erte jastan sıŋıru qajet. Bügıngı kvest balalarǧa qarapaiym, bıraq öte maŋyzdy oidy jetkızudıŋ täsılı boldy: tabiǧatty är künı süiıp, qorǧau kerek.
Ekokvest qatysuşylarǧa taza ärı jasyl el ärqaisymyzdan bastalatynyn eske saldy.
