Qostanaı oblysynda 60 úıdi sý basty

1698

Qostanaı oblysynda 60 úıdi sý basty. Bul týraly oblystyq Tótenshe jaǵdaılar departamentiniń basshysy Talǵat Kákimov brıfıng barysynda málim etti, dep habarlaıdy QazAqparat.

Departament basshysynyń aıtýynsha, ázirge qar sýynan Qarasý aýdanynyń Qaramyrza aýyly ǵana zardap shekti. Qalǵan óńirlerdegi jaǵdaı birqalypty.

«7 sáýir kúni tańerteń Tintýir ózeninde seń júrip, sý qalypty aqty. Saǵat 15.30 shamasynda aýa raıy kúrt qubylyp, jeldiń ekpini sekýndyna 30 metrge deıin jetti. Jel birde ońtústik-batystan soqsa, endi birde soltústik-batysqa aýysty. Sonyń áserinen ózende 25-30 santımetrge deıin jetetin tolqyn paıda bolyp, ózen arnasynan shyqty. Sý Qaramyrza eldi mekenine deıin jetti. Saǵat 16.30-da 60 turǵyn úıdi sý basty. 8 sáýirde sý deńgeıiniń qarqyndy tómendeýi bastaldy», - dedi Talǵat Kákimov.

Sý úılerdiń ishine deıin kirmegen, TJD qyzmetkerleri arnaıy qurylǵylardyń kómegimen der kezinde sýdy sorǵyzý jumystaryn júrgizgen. Oblys ákimdigi sý tasqynynan zardap shekken turǵyndardy qoldaý úshin sý basqan úıdiń ıelerine 50 AEK (138 900 myń teńge) kóleminde jáne aýlasyna sý kirgen turǵyndarǵa 25 AEK (69 450 myń teńge) kóleminde ótemaqy tólemek.

Qazirgi ýaqytta turǵyndarǵa azyq-túlik qorjyny ázirlenip jatyr.

 

 

Pikirler
Uqsas jańalyqtar