Hosteldegi órt saldarynan qaza tapqan Nıkıta Korolevtyń anasy áleýmettik jelidegi paraqshasyna áserli jazba jarııalady, dep habarlaıdy "Adyrna" tilshisi Lada portalyna siltep.
Nıkıta Korolevtyń anasy óziniń Instagram paraqshasynda ulynyń jerleý rásimi ótkenin jazdy. Nıkıta otbasyndaǵy jalǵyz bala bolǵan.
Onyń sózinshe, qaıtys bolǵan uly Aqtaýǵa úıine ushýǵa bir kún qalǵanda qaıǵyly oqıǵaǵa tap bolǵan.
“Ol meniń jalǵyz ulym. 24 jeltoqsanda 20 jasqa tolar edi. Men ony kórmegenime 1,5 jyl bolyp edi. Al búgin ony sońǵy ret qushaqtadym. Bul ómirde nemere-shóbereli bolatynyma senimdi edim. Balalaryńyzdyń ómirge qurǵan josparlary ata-anasyna ómir súrýge basty sebep. Meniń qazir ondaı josparym joq. Bul qaıǵydan qalaı shyǵýǵa bolatynyn bilseńizder aıtyńyzdar. Mende úmit eter eshteńe qalǵan joq”, – dep jazdy Evgenııa Veger.
Eske sala keteıik, Almatyda hosteldegi órtten 13 adam kóz jumdy.
Degenmen, qaza tapqandardyń tiziminde bolǵan Túrkistan oblysynyń týmasy tiri bolyp shyqty.
