Qorǧanys ministrlıgı tıkūşaq apatynan qaza tapqan üş äskeri qyzmetkerdıŋ esımderı men fotolaryn jariialady. Su astyndaǧy ızdestıru jūmystary barysynda qaza tapqan üşınşı äskeri qyzmetkerdıŋ de denesı tabyldy, dep habarlaidy “Adyrna”.
10 tamyzda ızdeu toby ekipaj komandirı – maior Nūrjıgıt Üisınbaevtyŋ mäiıtın anyqtady. Ol armiialyq aviasiiada (ViİR) eskadrilia komandirınıŋ orynbasary qyzmetın atqarǧan, 1-synypty ūşqyş bolǧan. EC-145 tıkūşaǧyn basqaruda mol täjıribesı bar maiordyŋ jalpy ūşu uaqyty 930 saǧatty qūraǧan.
11 tamyzda bort tehnigı – kapitan Bahtiiar Erjıgıtovtıŋ denesı tabyldy. Aviasiialyq eskadrilia qūramynda qyzmet etken ol 1-synypty maman retınde EC-145 tıkūşaǧyn paidalanuda 300 saǧat täjıribe jinaǧan.
12 tamyzda ekipaj komandirınıŋ kömekşısı – kapitan Aman Amangeldınıŋ mäiıtı tabyldy. Ol – kürdelı meteorologiialyq jaǧdaida da ūşu täjıribesı bar, bırneşe oqu-jattyǧu men äskeri operasiiaǧa qatysqan käsıbi ūşqyş. Onyŋ jalpy ūşu uaqyty 295 saǧatty qūraǧan.
Üşeuı de Qazaqstan Respublikasy Qaruly Küşterınıŋ Äue qorǧanysy küşterı äskeri institutynyŋ tülekterı.
Qazırgı uaqytta apat bolǧan jerdegı ızdestıru-qūtqaru jūmystary jalǧasuda. Tıkūşaqtyŋ fragmentterın tabu jäne su tübınen köteru şaralary jürgızılude. Sonymen qatar, apattyŋ naqty sebepterın anyqtau maqsatynda tergeu amaldary jürgızılıp jatyr.
Eske salaiyq, apatqa ūşyraǧan tıkūşaq – EC-145 ülgısındegı armiialyq aviasiiaǧa tiesılı tıkūşaq. Qaiǧyly oqiǧanyŋ naqty künı men män-jaiy resmi türde älı habarlanǧan joq.
