Almaty oblysyndaǧy Sorbūlaq maŋynda joǧalǧan äskeri tıkūşaq tört künnen berı tabylmady. Būl turaly Qorǧanys ministrlıgı mälımdedı, dep habarlaidy “Adyrna”.
Aqparatqa säikes, Qorǧanys ministrlıgı basqa da öŋırlerler qosymşa küş-qūraldar jetkızuge mäjbür bolǧan.
EC-145 tıkūşaǧy 25 şıldede Lugovoidan ūşyp şyǧyp, radardan joǧalyp kettı. Onyŋ bortynda ekipajdyŋ üş müşesı bolǧan.
Äskeri tıkūşaqtyŋ qaldyqtary Sorbūlaq su qoimasy aumaǧynan tabylǧan. Sol sebeptı ızdeu jūmystary däl osy jerde jürıp jatyr.
Qorǧanys ministrlıgınıŋ mälımetınşe, künı boiy operasiia jürgızıletın audanǧa basqa öŋırlerden qosymşa küş-qūraldar jetkızıldı. Qonaev qalasynan ızdeu bölımşesı, oǧan qosa Aqtau qalasynan A-400 äskeri-kölık ūşaǧymen jetkızılgen jeke qūram men tehnika osynda aldyryldy. Qūramynda su aidynynyŋ jetu qiyn uchaskelerın zertteuge arnalǧan süŋguırlık jabdyqtar, eholottar, kater men qaiyq ta bar.
Operasiialarǧa qosymşa bes äskeri bölımnıŋ küş-qūraldary tartyldy. Jūmys täulık boiy jalǧasyp jatyr. Izdeu şaralary barysynda tıkūşaqtyŋ qaldyqtary tabylǧan. Qazır olardy anyqtau jūmystary jürıp jatyr.
Sorbūlaq – TMD aumaǧyndaǧy eŋ ırı qoldan jasalǧan su qoimalarynyŋ bırı. Onyŋ tereŋdıgı 22 metrge jetedı. Tabany lai.
«Mamandar akvatoriiany ǧana emes, jaǧalaudy da tekserıp jür. Tereŋ, qiyn jerlerdı de. Izdeu jūmystary künı-tünı toqtausyz jürıp jatyr. Operasiiany Äskeri äue küşterınıŋ qolbasşysy general-maior Asqar Izbasov basqarady. Ol sol jerde jür», – dep habarlady Qorǧanys ministrlıgı.
Joǧalǧan tıkūşaq ekipajynyŋ otbasy müşelerı de osynda jür. Olarǧa naqty aqparat jetkızılıp tūrady. 28 şıldede olar ızdeu aumaǧyn äueden baqylady. Äleumettık jelılerde jariialanǧan videolarda joǧalǧan azamattardyŋ tuystary ızdeu jūmystary toqtausyz jürıp jatqanyn aitty.
Qorǧanys ministrlıgınıŋ mälımdeuınşe, qūtqaru-ızdeu operasiiasy tüpkılıktı nätije şyqqanǧa deiın jalǧasady.
