Iran prezıdenti sońǵy ret otyrǵan tikushaqtyń qulaýyna tehnıkalyq aqaý sebep bolýy múmkin, dep habarlaıdy "Adyrna" ulttyq portaly IRNA-ǵa siltep.
Tikushaqtyń 1979 jylǵy Islam revolıýııasyna deıin satyp alynǵan bolýy múmkin ekeni belgili boldy. Sarapshylar atap ótkendeı, qulaǵan amerıkalyq Bell 212 tikushaǵyna 40 jyldan asqan.
Mamandardyń aıtýynsha, tehnıka buǵan deıin óziniń beriktigin kórsetip kelgen. Alaıda BAQ málimetinshe, Tegeran rejıminiń ondaǵan jyldar boıy batystyq sankııalarǵa ushyraǵan jáne tikushaqqa durys tehnıkalyq qyzmet kórsetýge kepildik berý qıyn bolǵan.
Ushaqtyń apatqa ushyraýyna 19 mamyrda bolǵan qatty tuman men naızaǵaı baqylaýǵa kedergi keltirýi, Irannyń soltústik-batysynda, eldiń Ázirbaıjan shekarasynan 20 shaqyrym jerde tikushaq apatyna yqpal etken bolýy múmkin ekeni de aıtyldy.
Irannyń jergilikti basylymdarynda prezıdent saparlary úshin ádette ózge tikushaqtardyń tańdalatyny da habarlanǵan.
«Ádette, Raısıdiń saparlary úshin tikushaqtar Reseıde jasalǵan úlgilerden tańdaldy, al Tebrızge barý úshin 45 jyl buryn qurastyrylǵan amerıkandyq tikushaq alynǵan. Al ushqyshtar revolıýııalyq saqshylar korpýsynan bekitilgen", - delingen Irannyń jergilikti basylymdarynda.
Tikushaq standartty GPRS jáne transponderlerdi qosa alǵanda úsh túrli baqylaý júıesimen jabdyqtalǵan bolsa da apatqa ushyraǵan tikushaqtyń ornalasqan jerin anyqtaý múmkin bolmaǵan. Túrik bıligi tikushaqty anyqtaý júıesi óshirilgen nemese múldem bolǵanyn, tikushaqtan sıgnal bolmaǵanyn atap ótti.
Sondaı-aq ırandyq derekkózdiń habarlaýynsha, jolaýshylar quramy tikushaq áýege kóteriler aldynda ózgertilgen.
«Syrtqy ister mınıstri Abdollahıan men Tabrız gýbernatory Malık Rahmetı №2 tikushaqta ushýy kerek edi, biraq sońǵy sátte olarmen birge Tebrız ımamy Muhammed ál-Hashem de ushaqqa otyrǵyzylǵan», - dep jazady Turkiye agenttigi.
