Ulytaýda "Alasha han, Joshy han – jyr arqaýy" jazba aqyndar músháırasy ótedi

5647
Adyrna.kz Telegram

Halqymyzdyń ult bolyp qalyptasýynda Ulytaý óńiriniń orny bólek.  Ulytaý – barsha qazaq qadir tutatyn qasterli ólke. Ejelden Han ordasy, qazaq jeriniń kindigi sanalǵan bul óńir Prezıdent Q.-J.Toqaevtyń jarlyǵymen jeke oblysqa aınalǵany belgili. Osyǵan oraı  jýyrda Ulytaý oblysynyń qurylýy jáne kıeli óńirdiń tarıhı tulǵalaryn dáripteý maqsatynda «Alasha han, Joshy han – jyr arqaýy» atty respýblıkalyq jazba aqyndar músháırasy ótedi.     

Ulytaý topyraǵy – Joshy han, Alasha han keseneleri, Edige men Toqtamys syndy   alyp tulǵalardyń rýhy toǵysqan jer. Bul jerde  Áýlıe- taý­daı kıeli oryn bar.   Ulytaý – ulttyq birligimizdiń sımvoly. Ulytaý oblysy Jezqazǵan qalasynyń ákimdigi uıymdastyryp júrgen dástúrli «Ulytaý úni» festıvali aıasynda ótetin «Alasha han, Joshy han – jyr arqaýy» atty respýblıkalyq jazba aqyndar músháırasynyń basty maqsaty da osybabalar tarıhyn dáripteý, ult birligin ulyqtaý.  Jas aqyn-jazýshylardy qoldaý, olardyń shyǵarmashylyǵyn halyqqa tanystyrýdy kózdeıtin jyr saıysyna respýblıkalyq «Ana tili» Ult gazeti qoldaý kórsetip otyr.

Músháıraǵa 18-40 jas aralyǵyndaǵy aqyndar qatysady. Ár aqyn Ulytaý jeriniń tarıhyna, áıgili tulǵalarǵa qatysty eki óleń jáne erkin taqyrypta bir óleń jiberedi. Óleńder buryn jarııalanbaǵan bolýy tıis.  Úmitkerlerdiń shyǵarmalary 2022 jyldyń 20 tamyzyna deıin qabyldanady.Qorytyndy shara 2022 jyldyń 10 qyrkúıek kúni ótedi dep josparlanyp otyr. Qazylar alqasynyń saraptaýynan ótip, laıyqty dep tanylǵan shyǵarmalardyń avtorlary aqshalaı syıaqylarmen marapattalady.  Aqyndarǵa taǵaıyndalǵan júldelerdiń arasynda eńbek jolyn Ulytaý aýdandyq «Ulytaý óńiri» gazetinde bastaǵan, «Egemen Qazaqstan» gazetiniń Jezqazǵan oblysyndaǵy menshikti tilshisi, «Ana tili»  gazeti bas redaktorynyń orynbasary bolǵan, osy óńir týraly ózekti máseleler kótergen  belgili jýrnalıst, marqum Nurperzent Dombaı atyndaǵy arnaıy syılyq bar.

JYR MÚShÁIRASYNYŃ EREJESI

Is-sharanyń maqsaty

Ulytaý oblysy Jezqazǵan qalasynyń «Mádenıet jáne tilderdi damytý bóliminiń» uıymdastyrýymen jáne respýblıkalyq «Ana tili» Ult  gazetiniń qoldaýymen ótetin jyr saıysynyń basty maqsaty:

  • Babalar tarıhyn dáripteý, ult birligin ulyqtaý.
  • Ultymyzdyń tarıhı tulǵalaryn dáripteý.
  • Jas aqyn-jazýshylardy qoldaý, shyǵarmashylyǵyn halyqqa tanystyrý.
  • Jas urpaqtyń kórkem ádebıetke qyzyǵýshylyǵyn arttyrý.
  • Memlekettik tildiń qoldanys aıasyn keńeıtý, til mádenıetin dáripteý.

Músháıranyń talaptary men sharttary:

Músháıraǵa Nur-Sultan, Almaty, Shymkent qalalary jáne barlyq oblystan 18-40 jas aralyǵyndaǵy ynta bildirgen aqyndar qatysa alady.

Qatysýshy ár aqyn úsh óleń jiberedi:

1 óleń – Ulytaý jeriniń tarıhyna (ańyz, áńgimege arqaý bolǵan) qatysty;

1 óleń – Ulytaý jerindegi tarıhı tulǵaǵa qatysty;

1 óleń – erkin taqyrypta.

- Budan buryn konkýrsqa qatysqan nemese baspasóz betinde jarııalanǵan shyǵarmalar qabyldanbaıdy;

- Músháıra sharttaryna saı kelmeıtin shyǵarmalar qatystyrylmaıdy, jarııalanbaıdy;

- Baıqaýǵa usynylǵan shyǵarmalar mynadaı úlgide kompıýterde terilýi kerek: Word, Times New Roman, kegl №14, aralyq ınterval 1.

- Shyǵarma mátini elektrondyq nusqada qabyldanady. Avtordyń tegi, aty, jóni, shyǵarmanyń ataýy kórsetiledi.

- Usynylǵan shyǵarmamen qosa avtor ózi týraly qysqasha málimet (ómirderek), jeke kýáliginńń kóshirmesin, 6h9 fotosýretin, baılanys telefony,  oqý orny nemese jumys oryny týraly málimetti qosa tapsyrýy kerek;

- Úmitkerlerdiń shyǵarmalary 2022 jyldyń 20 tamyzyna deıin mushaira2022@mail.ru elektrondy meken-jaı boıynsha qabyldanady.

Músháıranyń qorytyndy sharasy 2022 jyldyń  10 qyrkúıek kúni  ótedi dep josparlanýda (ózgerister qosymsha habarlanady).  Qabyldanǵan shyǵarmalar qazylar alqasynyń saraptaýynan ótedi. Laıyqty degen shyǵarmalar marapattaýǵa usynylady.

Marapattaý rásimine júldegerler ǵana shaqyrylady, issapar shyǵyny (baryp-qaıtý joly, jatyn oryn aqysy, tamaqtaný) qatysýshy tarapynan.

Qoljazba avtorǵa qaıtarylmaıdy, qazylar sheshimi qaıta qaralmaıdy. Merziminen keshiktirilgen shyǵarmalar saraptaýǵa jiberilmeıdi. Qazylar alqasynyń qorytyndysy boıynsha júldegerlerge dıplomdar men syılyqtar beriledi.

Úmitkerler ónerin baǵalaý kezinde:

  • Aqynnyń sóz  tapqyrlyǵy, óleń maǵynasynyń tereńdigi, shýmaq uıqasynyń kúrdeliligi;
  • Taqyryptyń ashylýy, ádebı qoldanystardy (teńeý, epıtet, metafora)  qoldaný sheberligine;
  • Oı men qııaldyń ushqyrlyǵy, ıdeıalyq mazmunyna basa nazar aýdarylady.

Músháıra jeńimpazdaryn marapattaý

Músháıra qorytyndysy boıynsha jazba aqyndarǵa tómendegideı júldeli oryndar taǵaıyndalady:

Bas júlde – 700 000 teńge;

1-oryn (bireý) –  500 000 teńge;

2-oryn (bireý) –  400 000 teńge;

3-oryn (bireý) – 300 000 teńge;

Arnaıy syılyqtar:

Nurperzent Dombaı atyndaǵy syılyq – 200 myń teńge;

Yntalandyrý syılyqtary (úsheý) – árqaısysy 50 myń teńgeden.

Qazylar alqasynyń sheshimimen anyqtalǵan músháıra jeńimpazdary uıymdastyrý alqasy daıyndaǵan dıplommen jáne qarjylaı syılyqpen marapattalady.

Eskertý:Úmitkerlerdiń upaılary teń bolǵan jaǵdaıda, júldeger tóraǵanyń pikirimen anyqtalady.

"Adyrna" ulttyq portaly 

Pikirler