8 tamyzǧa qaraǧan tünı İzraildıŋ soǧys kabinetı premer-ministr Biniamin Netaniahudyŋ Gaza qalasyn tolyq baqylauǧa alu turaly şeşımın bekıttı. Būl turaly Fox News arnasyn Netaniahudyŋ sūhbatyn jariialady, dep habarlaidy “Adyrna”.
Sūhbatta ol Gazany baqylauǧa alǧysy keletının aitqan. Qazırgı taŋda İzrail äskerı Gaza sektoryndaǧy aumaqtyŋ şamamen 75 paiyzyn baqylap otyr.
Times of Israel basylymynyŋ mälımetınşe, Gaza qalasyna baǧyttalǧan operasiia 800 myŋǧa juyq tūrǧyndy jappai evakuasiialaudy talap etedı.
«Qaruly küşter Gaza qalasyn baqylauǧa alu üşın daiyndyq jürgızedı, sonymen qatar soǧys aimaǧynan tys beibıt tūrǧyndarǧa gumanitarlyq kömek körsetıledı», – delıngen İzrail ükımetınıŋ mälımdemesınde.
Netaniahu İzraildıŋ Gaza sektoryn basqarǧysy kelmeitının, bıraq qauıpsızdık beldeuın qūryp, aimaqty özıne qauıp töndırmeitın arab küşterıne bergısı keletının atap öttı.
«Bız HAMAS-pen būl mümkın emes ekenın tüsınemız», dedı Netaniahu.
İzraildıŋ bas ştabynyŋ bastyǧy Eial Zamir Gazany tolyq okkupasiialau ideiasyn qoldamai otyr. Jurnalisterdıŋ habarlauynşa, būl jospardy «äsker üşın tūzaq» dep ataǧan. Degenmen ükımet armiiaǧa qandai şeşım qabyldansa da, oryndauǧa būiryq bergenın mälımdedı.
İzrail äskerı Gaza qalasyn baqylauǧa alyp, şamamen 1 mln tūrǧyndy sektordyŋ oŋtüstıgıne köşırudı közdep otyr. Būl bırınşı kezeŋ. Ekınşı kezeŋ bırneşe aptadan keiın bastalyp, gumanitarlyq kömektı ūlǧaitumen qatar, bosqyndar lagerlerı men tūtqyndar boluy mümkın degen audandarǧa şabuyl jasalady.
