Ukrainadaǧy soǧys qimyldary barysynda tūtqynǧa tüsken şetel azamattarynyŋ ışınde Özbekstan azamattary eŋ köp ekenı anyqtaldy, dep habarlaidy "Adyrna" ūlttyq portaly.
Būl turaly ukraindyq «Hochu jit» jobasynyŋ derekterıne süiene otyryp, halyqaralyq BAQ habarlaǧan.
Atalǧan joba tūtqyndar men dezertirler turaly mälımetterdı jinaumen ainalysady. Aqparatqa säikes, 2025 jyldyŋ basynan berı kemınde 902 özbekstandyq azamat Resei qaruly küşterımen kelısımşartqa otyrǧan. Jalpy alǧanda, jobanyŋ zertteuı boiynşa 1 100-den astam özbekstandyqtyŋ Resei armiiasy qatarynda ekenı belgılı bolǧan.
"100-den astamy qaza tapty", - dep mälımdedı joba ökılderı.
Reseide eŋbek migranty retınde jürgen özbekstandyqtar joǧary jalaqy, qūrylys nemese tyl bölımderınde jeŋıl jūmys jäne Resei azamattyǧyn alu mümkındıgı syndy uädelermen äskerge tartylǧan.
«Hochu jit» jobasynyŋ derekterıne säikes, qazırgı taŋda Ukrainada tūtqynda 33 memlekettıŋ azamattary bar. Solardyŋ ışınde Özbekstan azamattarynyŋ sany eŋ köp.
Atalǧan aqparat özbek qoǧamynda ülken rezonans tudyryp otyr.
