25 qyrküiek künı jariialanǧan Axios basylymyna bergen sūhbatynda Ukraina prezidentı Vladimir Zelenskii Resei soǧysty toqtatpaǧan jaǧdaida, Kremldegı şeneunıkterge bombadan qorǧaityn pana qajet bolatynyn mälımdedı, dep habarlaidy «Adyrna».
Onyŋ aituynşa, Ukraina AQŞ-tyŋ prezidentı Donald Tramptan Resei aumaǧyndaǧy maŋyzdy nysandarǧa soqqy bere alatyn arnaiy zymyrandardy sūraǧan. Zelenskii būl zymyrandardyŋ kömegımen jasalatyn soqqylar Resei prezidentı Vladimir Putindı kelıssözderge keluge itermeleuı mümkın dep sanaidy.
"Eger olar soǧysty toqtatpasa, bombadan qorǧanatyn pana kerek bolady", – dedı Zelenskii Kreml men özge de reseilık bilık ortalyqtaryna jasaluy mümkın soqqylar turaly pıkır bıldırıp.
Alaida Ukraina prezidentı beibıt tūrǧyndarǧa şabuyl jasamaitynyn naqtylady.
"Bız Reseidıŋ beibıt tūrǧyndaryna şabuyl jasamaimyz. Sebebı bız terrorist emespız", – dedı ol.
Sūhbat barysynda Vladimir Zelenskii Tramptyŋ Reseidıŋ energetikalyq infraqūrylymy men qaru şyǧaratyn zauyttaryna soqqy jasau mümkındıgın qoldaǧanyn aitty.
"Eger olar bızdıŋ energiia nysandarymyzǧa şabuyl jasasa, Tramp olardyŋ infraqūrylymyna jauap retınde soqqy beruge qoldau körsetedı", – dedı Zelenskii.
Onyŋ aituynşa, Ukraina qazırgı taŋda Reseidıŋ ışkı aimaqtaryndaǧy nysandarǧa soqqy bere alatyn drondarǧa ie. Sonymen qatar, Zelenskii AQŞ-tan sūralyp jatqan jaŋa qaru türın naqty atamasa da, onyŋ Putinge qosymşa qysym jasauǧa septıgın tigızetının atap öttı.
Būǧan deiın ukrainalyq drondar arqyly Reseidıŋ mūnai öŋdeu zauyttarynyŋ şamamen 17 paiyzy ısten şyǧarylǧan. Būl jaǧdai Reseide:
- benzin baǧasynyŋ ösuıne,
- ondaǧan aimaqta janarmai tapşylyǧyna,
- dizel otyny eksportynyŋ tömendeuıne alyp kelgen.
2025 jyldyŋ 23 qyrküiegınde Donald Tramp Ukraina Europalyq Odaqtyŋ kömegımen Resei okkupasiialap alǧan barlyq aumaqtardy qaitaryp ala alady degen mälımdeme jasaǧan bolatyn.
