Moiynqūm auylynda atys bolyp, tört adam auyr jaraqat alǧan. Därıgerler mälımdeme jasady, dep habarlaidy "Adyrna" ūlttyq portaly.
Jambyl oblystyq densaulyq saqtau basqarmasynyŋ mälımetınşe, auruhananyŋ qabyldau bölımıne türlı jaraqat alǧan tört adam jetkızılgen.
"28 jastaǧy nauqastyŋ basy, keude quysy jäne oŋ bılegınde rezeŋke oqtan jaraqat bar. Sonymen qatar oŋ jäne sol jambasynda bırneşe tesılgen jara baiqalǧan. Nauqas köp qan joǧaltyp, 2-därejelı travmatikalyq şok alǧan. Qazırgı jaǧdaiy auyr", – dedı oblystyq densaulyq saqtau basqarmasy.
Därıgerlerdıŋ aituynşa, auruhanaǧa tüsken taǧy bır – 26 jastaǧy er adam da auyr halde. Onyŋ sol jaq bılegı, jambasy jäne oŋ qoly jaralanǧan. Qazırgı kezde jaǧdaiy tūraqsyz.
Jambyl oblystyq polisiia departamentınıŋ mälımetınşe, būl faktı boiynşa QR Qylmystyq kodeksınıŋ 24-baby 3-bölıgı jäne 99-baby 2-bölıgı boiynşa (adam öltıruge oqtalu) qylmystyq ıs qozǧalǧan.
"Jaraqattar travmatikalyq qarudan kelgen. Qazırgı uaqytta küdıktılerdı anyqtau jäne ūstau baǧytynda jedel ızdestıru ıs-şaralary jürgızılude", – dep mälımdedı polisiia ökılderı.
Oqiǧanyŋ män-jaiy anyqtalyp jatyr.
Aita keteiık, BAQ betterınde taralǧan aqparatqa säikes, oqiǧa 30 şılde künı keşkı saǧat 21:10 şamasynda bolǧan.
