Ishki ister mınıstriniń birinshi orynbasary Marat Qojaev mas júrgizýshini toqtatyp, qanshama turǵyndardyń ómiri men densaýlyǵyn qorǵap qalǵan Arhat Rakıshevke Prezıdent Jarlyǵymen II dárejeli "Aıbyn" ordenin tabystady. Bul týraly Polisia.kz jarııalady, dep habarlaıdy “Adyrna” ulttyq portaly
"Jasaǵan erligiń úshin II dárejeli "Aıbyn" ordenimen nagradtaldyń. Sol nagradańdy mınıstrdiń tapsyrmasymen ózińniń kókiregińe ilýge kelip otyrmyn, Arhat batyr", – dedi vıe-mınıstr.
Eske salaıyq, Nur-Sultan qalasy PD Mamandandyrylǵan patrýldik polıııa batalonynyń qyzmet aǵa ınspektory ótken jyldyń jeltoqsan aıynda asqan erlik kórsetip, jol qaýipsizdigin saqtap qalǵan bolatyn. Ol elordanyń Qoshqarbaev kóshesinde erejeni óreskel buzyp, apatty jaǵdaı týdyryp kele jatqan júk kóligin baıqaıdy. Er adam tártip saqshysynyń talaptaryna baǵynbaı, qozǵalysyn jalǵastyrmaq bolady. Qaıǵyly jaǵdaıdyń aldyn almaq bolǵan Arhat sol sátte aýyr jaraqat alady.
Polıııa kapıtanyna eki ret ota jasalǵan. Komada bolǵan jigit búginde esin jıǵan. Biraq ol ary qaraı da emin jalǵastyratyn bolady.
"Mektepti "altyn belgige" bitirdi. Odan keıin Eýrazııa ulttyq ýnıversıtetine tústi. Sol ýnıversıtetti de jaqsy támamdady. Odan keıin akademııasyn oqydy. Óziniń armany bolatyn. Jumysqa ornalasty. Endi sol armanyna jetti dep otyr edik… Polıııa jumysy – óte aýyr jumys. Eldiń amandyǵyn oılaıtyn jumys qoı. Barlyǵy balańyz erlik jasady dep jazyp jatyr. Balamnyń erlik jasaǵanyna qýanamyn. El azamaty bolǵanyna qýanamyn”, – dedi Arhattyń anasy Alma Rakısheva.
”Adyrna” ulttyq portaly
