Polisiia Rio-de-Janeiro qalasyndaǧy kedei audandarda qylmystyq topqa qarsy auqymdy operasiia jürgızdı. Qaqtyǧys kezınde 121 adam, onyŋ ışınde tört polisei qaza tapty, dep habarlaidy «Adyrna».
Braziliia bilıgınıŋ mälımetınşe, operasiianyŋ basty maqsaty – eldıŋ eŋ qauıptı esırtkı kartelderınıŋ bırı sanalatyn Comando Vermelho tobynyŋ yqpalyn joiu bolǧan. Reidke şamamen 2,5 myŋ polisiia men äskeri qyzmetker qatysyp, brondalǧan kölıkter men tıkūşaqtar, sondai-aq drondar qoldanylǧan.
Oqiǧa Rio-de-Janeironyŋ eŋ qauıptı aimaqtarynyŋ bırı sanalatyn Penha jäne Complexo do Alemão favelalarynda bolǧan.
Polisiianyŋ mälımetınşe, operasiia barysynda 121 adam, onyŋ ışınde 4 polisiia qyzmetkerı qaza tapqan. Al adam qūqyqtaryn qorǧauşylar men jergılıktı tūrǧyndar bilık küş qūrylymdarynyŋ äreketın şekten tys qatygezdık dep baǧalap otyr.
Kuägerlerdıŋ aituynşa, atys bırneşe saǧatqa sozylyp, keibır tūrǧyndar öz üilerınde qamalyp qalǧan. Äleumettık jelılerde taraǧan beinejazbalarda köşelerde oq tesken kölıkter men qanǧa boialǧan deneler körınıs tapqan.
Braziliia prezidentı Luis İnasiu Lula da Silva oqiǧaǧa bailanysty mälımdeme jasap, adam şyǧynynyŋ köptıgıne "tereŋ alaŋdauşylyq bıldırdı". Al Rio ştatynyŋ gubernatory Klaudio Kastro operasiiany "qajettı ärı sättı öttı" dep qorǧap, qaza tapqandardyŋ barlyǧy "qaruly qylmyskerler" dep mälımdedı.
Bıraq qūqyq qorǧauşylar būl nūsqamen kelıspeidı. Amnesty International jäne BŪŪ-nyŋ adam qūqyqtary jönındegı basqarmasy oqiǧaǧa bailanysty täuelsız tergeu jürgızudı talap ettı. Olar polisiianyŋ beibıt tūrǧyndarǧa da oq atqan boluy mümkın ekenın aitady.
Būl operasiia Braziliia tarihyndaǧy eŋ qandy polisiia reidı retınde tırkelıp otyr. Būǧan deiın de eldıŋ bırneşe ştatynda esırtkı saudasyna qarsy operasiialar kezınde adam şyǧyny jiı tırkelgen, bıraq mūnşalyq auqymdy qaqtyǧys bolmaǧan.
Qazır Rio-de-Janeiro köşelerınde tūrǧyndar bilık äreketıne qarsy narazylyq aksiialaryn ötkızıp, "zorlyqqa qarsy beibıt joldy" talap etude.
