Reseilık "Aeroflot” äue kompaniiasynyŋ aqparattyq jüiesıne hakerlık şabuyl jasalyp, saldarynan bırneşe öŋırmen äue bailanysy üzıldı, dep habarlaidy "Adyrna" ūlttyq portaly DW basylymyna sılteme jasap.
Qiyr Şyǧys pen Kaliningrad oblysy “oqşaulanǧan”. Köptegen jolauşy Sochi, Minvody jäne şetel baǧyttaryna sapar şege almai, äuejaida qalyp qoiǧan.
“Aeroflot” reisterdıŋ bır bölıgı keiınge şegerılıp, keibır baǧyttardan mülde bas tartqanyn mälım ettı. Kompaniia jolauşylarǧa resmi sait pen äuejai tablolarynan aqparatty jiı tekserıp otyrudy ūsyndy.
Şabuylǧa jauapkerşılıktı Silent Crow atty hakerlık top öz moinyna aldy. Reseilık “Kommersant” deregınşe, būl top belarustık “Kiberpartizany BY” ūiymymen bırıgıp, 2024 jyldyŋ şıldesınen berı “Aeroflottyŋ” korporativtık jelısıne kırıp, 12 Terabait derektı köşırıp alǧan. Olar kompaniianyŋ 7 myŋǧa juyq fizikalyq jäne virtualdyq serverın joiǧanyn mälımdedı.
Silent Crow mälımetınşe, olar bır jyl boiy jasyryn türde jelı ışınde jūmys ıstep, äue tasymaldary, tyŋdau qūrylǧylary, qyzmetkerlerdı baqylau jüielerınen derekter alǧan.
Hakerlerdıŋ aituynşa, būl şabuyl “Aeroflotqa” strategiialyq deŋgeide zalal keltırgen, al jüienı qalpyna keltıru ondaǧan million dollarǧa tüsuı mümkın.
Osy şabuyldan keiın “Aeroflot” qana emes, onyŋ enşıles kompaniialary – “Rossiia” men “Pobeda” da 100-den astam reisten bas tartty. Şeremetevo äuejaiynan Astana, Taşkent, Minsk, Erevan baǧyttaryndaǧy halyqaralyq reister de toqtatyldy.
Qazaqstan Kölık ministrlıgı būl jaǧdaiǧa qatysty tüsınıkteme berıp, “Aeroflottyŋ” “Mäskeu – Astana – Mäskeu” reisı tehnikalyq sebeptermen oryndalmaǧanyn habarlady. Jolauşylarǧa habarlama jıberılgen. Būl mäsele vedomstvonyŋ erekşe baqylauynda.
Resei bas prokuraturasy şabuylǧa bailanysty qylmystyq kodekstıŋ 272-baby boiynşa ıs qozǧady. Mäskeu kölık prokuraturasy 140-tan astam reistıŋ toqtauyn jeke baqylauǧa alǧan.
Mamandardyŋ aituynşa, būl oqiǧa ırı kompaniialardyŋ kiberqauıpsızdıkke salǧyrt qarauynyŋ saldary boluy mümkın. Silent Crow toby būǧan deiın de Resei men Belarustıŋ memlekettık IT-jüielerıne şabuyl jasaǧanyn mälımdegen.
Sonymen qatar, Resei aviasiiasyna qarsy bırneşe baǧyttan soqqy jasaluda. Halyqaralyq sanksiialar aiasynda ūşaqtar men qosalqy bölşekterdı satuǧa tyiym salynǧan. Būǧan qosa, drondar şabuylyna bailanysty Mäskeude jäne özge öŋırlerde reister jiı toqtatylady.
Mamandar būl jaǧdaidyŋ älı de bırneşe künge jalǧasuy mümkın ekenın eskertude. Al “Aeroflot” qazırgı uaqytta öz IT-infraqūrylymyn qalpyna keltırumen ainalysyp jatyr.
