AQŞ-ta atyşuly qarjyger Djeffri Epşteinge tiesılı bolǧan jeke ūşaq qarausyz qalǧan äuejai aumaǧynan tabyldy, dep habarlaidy "Adyrna" ūlttyq portaly Caliber.az basylymyna sılteme jasap.
Mälımetke säikes, «Lolita Ekspress» atanyp ketken ūşaq Djordjiia ştatyndaǧy Bransuik qalasynda ornalasqan aviasiialyq kompaniia aumaǧynda şamamen on jyl boiy paidalanylmai tūrǧan. The New York Post jariialaǧan aqparatqa säikes, ūzyndyǧy 40 metr bolatyn Boeing 727 (N908JE) 2016 jyldan berı äuege köterılmegen.
Jariialanǧan fotosuretterden äue kemesınıŋ korpusy men ışkı bölıgı uaqyt öte kele aitarlyqtai tozǧany baiqalady. Ūşaq aşyq aspan astynda ūzaq saqtalǧandyqtan, metall bölıkterı korroziiaǧa ūşyrap, intererı bülıngen. Jurnalister ūşaq ışındegı «zeŋ iısı müŋkıgen auyr aua» turaly da jazǧan.
Ūşaq salonynda jatyn bölme, bırneşe demalys aimaqtary, as üi jäne juynu bölmelerı bar. Sonymen qatar, soŋǧy paidalanylǧan kezeŋnen qalǧan keibır zattar da tabylǧan.
Būǧan deiın prokurorlar būl ūşaqtyŋ kämeletke tolmaǧandardy zaŋsyz tasymaldau üşın paidalanylǧanyn mälımdegen. Ūşaq bortynan tabylǧan zattardyŋ ışınde jeke gigiena qūraldary men balalarǧa arnalǧan önımder bolǧany habarlandy.
Aqparat qūraldarynyŋ deregınşe, är jyldary būl ūşaqta saiasatkerler men ıskerlık orta ökılderı de ūşqan. Soŋǧy reis 2016 jyldyŋ şılde aiynda oryn alǧan. Sodan berı äue kemesı tehnikalyq qyzmet körsetılmei, elektr quatynsyz qalǧan.
Sarapşylardyŋ pıkırınşe, qazırgı tehnikalyq jaǧdaiyna bailanysty ūşaqty qaita paidalanuǧa mümkındık joq.
