Resei ükımetınıŋ töraǧasy Mihail Mişustin Omby qalasynda ornalasqan Qazaqstannyŋ jetekşı joǧary oqu oryndarynyŋ bırı – äl-Farabi atyndaǧy Qazaq ūlttyq universitetınıŋ filialyna bardy, dep habarlaidy «Adyrna» tılşısı.
Qazaqstan tarapynan kezdesuge Ǧylym jäne joǧary bılım ministrı Saiasat Nūrbek pen äl-Farabi atyndaǧy QazŪU rektory Janseiıt Tüimebaev qatysty. Resei tarapynan şaraǧa RF Ǧylym jäne joǧary bılım ministrı Valerii Falkov, Omby oblysynyŋ gubernatory Vitalii Hosenko, Omby oblysynyŋ joǧary bılım jäne ǧylymi-tehnologiialyq damu ministrı Aleksandr Kolsov, F.M.Dostoevskii atyndaǧy Omby memlekettık universitetınıŋ rektor mındetın atqaruşy İvan Krott qatysty.
Qonaqtar qabyldau komissiiasynyŋ jūmysymen tanysyp, QazŪU-dyŋ oqu korpusy men ǧylymi kıtaphanasyn aralady.
Kezdesu barysynda QazŪU rektory filialdyŋ qūrylu tarihy jönınde aityp öttı, al Saiasat Nūrbek Qazaqstandaǧy reseilık joǧary oqu oryndarynyŋ filialdarynyŋ qyzmetı turaly baiandady.
QazŪU filialynyŋ Omby memlekettık universitetı bazasyndaǧy resmi aşyluy 2024 jylǧy 27 qaraşada ekı el prezidentterınıŋ qatysuymen öttı.
RF Ükımetınıŋ Töraǧasy Qazaqstanda jūmys ıstep jatqan reseilık filialdardyŋ belsendı qyzmetı üşın alǧys bıldırıp, Ombyda qazaqstandyq jetekşı universitettıŋ filialynyŋ aşyluynyŋ maŋyzdylyǧyn erekşe atap öttı. Sonymen qatar ol talapkerlerdı QazŪU filialyna oquǧa tüsuge şaqyrdy.
Qazırgı taŋda qabyldau nauqany aiasynda filial bakalavriattyŋ üş baǧyty boiynşa, atap aitqanda, filologiia fakultetınen «Qazaq tılı men ädebietı», zaŋ fakultetınen «Keden ısı», halyqaralyq qatynastar fakultetınen «Halyqaralyq qūqyq» baǧyttary boiynşa studentterdı qabyldap jatyr. Filialǧa jalpy 200-250 talapkerdı qabyldau josparlanyp otyr.
Aita keteiık, QazŪU – Resei aumaǧynda öz filialyn aşqan alǧaşqy qazaqstandyq joǧary oqu orny.
