Ankara qalasyndaǧy Başkent universitetı Ortalyq Aziiadaǧy bes elmen, atap aitsaq, Özbekstan, Qazaqstan, Türıkmenstan, Qyrǧyzstan jäne Täjıkstanmen barlyq bailanysyn uaqytşa toqtatty, dep habarlaidy «Adyrna» tılşısı Caliber agenttıgıne sılteme jasap.
Universitet basşylyǧy būl şeşımnıŋ qabyldanuyna atalǧan memleketterdıŋ Soltüstık Kipr Türık Respublikasynyŋ (SKTR) müddelerın elemei, Kipr Respublikasymen saiasi qarym-qatynas ornatuy sebep bolǧanyn mälımdedı.
POLITIK Central Asia mälımetınşe, Başkent universitetı senatynyŋ kezekten tys otyrysy 10 säuırde ötken. Jiynda Özbekstan, Qazaqstan jäne Türıkmenstannyŋ Nikosiiaǧa elşıler taǧaiyndauy men Samarqand sammitınıŋ kün tärtıbı syndy mäseleler qaralǧan.
Universitet janyndaǧy Kiprdı zertteu ortalyǧynyŋ direktory, dosent Mehmet Balemezdıŋ aituynşa, būl qadamdar tek Türkiia ǧana moiyndaǧan Soltüstık Kipr Türık Respublikasyn elemeu retınde qabyldanady. Senat būl jaǧdaiǧa bailanysty öz renışın bıldırıp, Ortalyq Aziia elderın türkılık yntymaqtastyq prinsipterın būzdy dep aiyptady.
Başkent universitetınıŋ mälımdemesınde 2022 jyly Samarqandtaǧy Türkı memleketterı ūiymynyŋ sammitınde SKTR mäselesıne bailanysty qaişylyqtar tuyndaǧany erekşe atap ötılgen. BAQ mälımetınşe, sol kezde Qazaqstan prezidentı Qasym-Jomart Toqaev SKTR-ge baqylauşy märtebe beruge qarsy şyqsa, Özbekstan prezidentı Şavkat Mirziioev beitarap qalǧan. Keiınırek Özbekstannyŋ sol kezdegı Syrtqy ıster ministrı Vladimir Norov«Soltüstık Kiprdı moiyndau turaly söz boluy mümkın emes» degen mälımdeme jasaǧan.
Başkent universitetı Türkiia men SKTR arasyndaǧy diplomatiialyq qatynastardy separatizmmen teŋestıru logikasyn üzıldı-kesıldı qabyldamaitynyn mälımdedı. Bılım ordasy Ortalyq Aziianyŋ bes elı Soltüstık Kiprge qatysty ūstanymyn qaita qaramaǧanşa, akademiialyq yntymaqtastyq tolyqtai toqtatylatynyn jetkızdı.
Başkent universitetı — Türkiiadaǧy eŋ ırı jekemenşık universitetterdıŋ bırı. Ol 1994 jyly qūrylǧan. Būl jerde şamamen 13–16 myŋ student bılım alady, olardyŋ 3%-y — şeteldıkter.
4 säuırde Europalyq odaq pen Ortalyq Aziia elderı sammitınıŋ qorytyndysy boiynşa qol qoiylǧan deklarasiiada aimaq elderı aumaqtyq tūtastyq prinsipterın ūstanatynyn rastady. Sondai-aq olar BŪŪ-nyŋ SKTR legitimdılıgın moiyndamaityn qararlaryn qabyldaitynyn bıldırdı.
Başkent universitetı Soltüstık Kiprge qatysty ūstanymyna bailanysty Ortalyq Aziia elderımen akademiialyq bailanystardy toqtatqan alǧaşqy türık universitetı bolyp otyr.
