Almaty oblysynda balanyń aýzy men qolyn baılap, qaraýsyz jerge aparǵan áıel kórshisi bolyp shyqty. Ol bul áreketke qaryzyn qaıtarý úshin barǵan bolýy múmkin. Bul týraly balalar ombýdsmeni Dınara Zakıeva aıtty, dep habarlaıdy “Adyrna” ulttyq portaly.
Aıta keteıik, Jelide balanyń aýzyn jáne qoldaryn aıqastyryp matamen baılap, kóshede ertip júrgen beınejazba taraǵan bolatyn. Bul kóriniske kýá bolǵan er adam olardy syrtynan jasyryp beınejazbaǵa túsirip alǵan.
Bala quqyqtary jónindegi ýákil Dınara Zákıevanyń aıtýynsha, qyz bala tabylǵan. Balamen mektep psıhology jumys isteıtin bolady.
Vıdeodaǵy áıel kórshisi bolyp shyqty. Qyzdyń anasy kórshi áıel balany qaraýsyz qalǵan ǵımarattyń aýmaǵyna aparyp, alaqanymen betinen urǵanyn aıtty. Bul týraly anasyna aıtyp barsyn degen. Anasynyń sózinshe, bunyń sebebi olardyń aqshalaı qaryzy bolýy múmkin. Kórshi áıel aýyldan ketip qalǵan, ony izdestirý jumystary júrgizilip jatyr, – dedi ol.
