Aqtaudaǧy «Monster Aktau» donerhanasynyŋ iesı ırı daudyŋ ortasynda qaldy. Oǧan sebep – keluşı äieldıŋ donerdıŋ ışınen şaş tauyp alǧannan keiın oryn alǧan janjal. İnternettegı derekterge süiensek, şaǧym aitqan qyzdy iesı sabap, keiın äleumettık jelıde qazaq halqyna jäne äielderge auyr sözder aitqan, dep habarlaidy “Adyrna”.
Oqiǧanyŋ videosy jelıde keŋ tarap, qoǧamda ülken narazylyq tudyrdy. Jelı qoldanuşylary donerhana turaly jaǧymsyz pıkırler qaldyryp, iesınıŋ äreketın synǧa aldy. Bıraq ol keşırım sūraudyŋ ornyna qazaqtardy kemsıtu baǧytynda aşyq mälımdemeler jasaǧan.
Şabuyldan keiın er adam bırneşe video jariialap, onda bylai degen:
«Qazaqtar özderın ūryp, "men qazaqpyn" deidı, bıraq Qazaqstan üşın tük ıstegen joq»;
«Mūndaǧy barlyq zat Qytaidan, Türkiiadan, Äzerbaijannan keledı. Qazaqtarǧa üidı kım salady? Bärın özbekter men qaraqalpaqtar ısteidı»;
«Ūlttyq namys turaly söz bolǧanda, qazaqtar dereu özderın ūryp, keude soǧady»;
«Bız ūltqa bölınbeuımız kerek. Qazaqstan — köpūltty memleket»;
«Är aqymaq äielge ony ūryp, tärbieleitın erkek kerek. Eger ol menıŋ äielım bolsa, baiaǧyda ūryp tastar edım».
Qazaqstan jūrtşylyǧy tek äieldı ūryp-soǧu faktısıne emes, sonymen qatar qazaq halqy men äielderge baǧyttalǧan qorlau sözderge de qatty narazy. Jurnalist Aigül Orynbek būl oqiǧaǧa qatysty qūqyq qorǧau organdaryna jügınıp, kınälı adamdy jauapqa tartudy talap ettı.
«Aqtau polisiiasy būl adamǧa şara qoldanuy tiıs! Ol – arandatuşylyqpen ainalysyp otyr. Onyŋ äreketın QR QK 174-baby boiynşa saralaudy jäne barlyq videolaryna saraptama jürgızudı sūraimyn», - dedı ol.
Köptegen qazaqstandyqtar «Monster Aktau» mekemesın jabudy jäne onyŋ iesın, özbek ūltynyŋ ökılı boluy mümkın degen aqparatqa bailanysty, elden şyǧarudy talap ettı.
22 tamyz künı Aqtau qalalyq soty osy jaǧdaiǧa bailanysty şeşım şyǧardy.
Kafe iesı bırneşe bap boiynşa 3 jylǧa bas bostandyǧynan aiyryldy. Oqiǧaǧa qatysy bar anasyna 2 jyl şartty jaza kesıldı. Eger ūltaralyq arazdyqty qozdyruǧa qaita äreket etse, ol da naqty merzımmen türmege qamalmaq.
Aqtaulyq oquşylar Almatyda ötken respublikalyq robototehnika boiynşa aşyq chempionatta jeŋıske jettı
