Jetisý oblysynda 15 jastaǵy qyzdy aıýandyqpen zorlap óltirgen qylmyskerdiń áreketi kúlli Qazaqstandy dúrliktirdi. Belgili jýrnalıst Aıana Ǵabdýllına osy jaǵdaıǵa baılanysty pikir bildirip, "Kámelet jasqa tolmaǵan balany zorlap, óltirgen haıýandar ólim jazasyna kesilsin" dep Toqaevqa úndeý tastap, osy zańǵa ózgertýler men tolyqtyrýlar engizýdi surady. Bul týraly "Adyrna" ulttyq portaly jazady.
"Men, Aıana Ǵabdýllına QR azamatshysy retinde de, jýrnalıst retinde de ul-qyz tárbıelep otyrǵan ata-analardyń atynan da aıtarym bar. Aqıqatty aıtamyn. Uqsas oqıǵalar kóbeıip barady. Bala kezinde de, eseıgende de zorlanyp, áke-sheshesine aıtpaı, uıat bolady dep qanshama qyzdarymyz qaıǵy jutyp, ómir súrip keledi. Kinálileler bas bostandyǵynan aıyrylǵan joq. Erkindikte ómir súrip jatyr. Qurmetti, Qasym-Jomart Kemeluly! "Áýeli Qudaıdan, keıin qatań zańnan qorqatyn el qor bolmaıdy" deıdi. Zańdy qatańdatý kerek. Kámeletke tolmaǵan balany zorlap, sonymen qosa ony óltirgen haıýandar ólim jazasyna kesilsinshi. Eger qoǵamǵa túk paıdasy joq osyndaı azamattardy ólim jazasyna kesýdi aıasańyzdar, eki qolyn shabyńdar. Eki qolymen kóti-basyn jýa almaıdy. Sol túrmede shirip, qurt-qumyrsqaǵa jem bolady. Osy zańǵa ózgertýler men tolyqtyrýlar engizýdi suraımyn",- dedi jýrnalıst.
Aıana Ǵabdýllınanyń aıtýynsha, 15 jastaǵy qyzdy óltirgen qylmysker "tártipti bolǵany" úshin merziminen buryn bosap shyqpaǵanda, mundaı jaǵdaı oryn almas edi.
"Bular túrmede ómir súredi eken. Úsh mezgil me, bes mezgil tamaqtanady eken. Biz olardy salyqpen asyraımyz. Men ondaı adamdarǵa salyq tólegim kelmeıdi. Tártipti bolǵany úshin merziminen buryn bosatady ekensizder. Sol merziminen buryn bosatqannyń kesirenen osyndaı oqıǵa boldy", deıdi Aıana Ǵabdýllına.
Posmotret etý pýblıkaııý v Instagram
"Adyrna" ulttyq portaly
