Bügın, 14 şıldede Ūly Otan soǧysynyŋ ardagerı, «Halyq qaharmany» Äbdıǧali Qaimoldin 105 jasqa qaraǧan şaǧynda dünieden ozdy, dep habarlaidy «Adyrna» tılşısı.
Memleket basşysy Qasym-Jomart Toqaev marqūmnyŋ otbasyna köŋıl aitu jedelhatyn joldady.
«Äbdıǧali Qaimoldin jastai maidan dalasyna attanyp, eren erlıgımen jeŋıstı jaqyndatuǧa zor üles qosqan batyr tūlǧa boldy. Beibıt kezeŋde memlekettık jäne qoǧamdyq ısterge belsene aralasyp, el igılıgı jolynda ūzaq jyl qyzmet ettı. Ǧasyr jasap, soŋyna önegelı jol qaldyrǧan Äbdıǧali Qaimoldinnıŋ jarqyn beinesı men esımı ūmytylmaidy. İmany salamat, jany jannatta bolsyn», – dep jazylǧan jedelhatta.
Aita keteiık, Äbdıǧali Qaimoldin 1921 jyly 30 mausymda Abai oblysynyŋ Abyraly auylynda düniege kelgen. Soǧystyŋ alǧaşqy jyly-aq maidanǧa attanǧan. Ol tankke qarsy artilleriiada zeŋbırekşı, oqtauşy, keiınnen komandir bolǧan. Marşal A.M. Vasilevskiidıŋ basşylyǧymen 1-şı Ukraina, 3-şı Belarus, Baltyq jaǧalauy maidandary men Harkovtı azat etu soǧysyna qatysqan. Keiınnen maidan şebındegı eŋ qiyn jerlerge jıberıletın artilleriia diviziiasynda qyzmet etken.
