Ūlttyq bank bazalyq mölşerlemege qatysty kezektı şeşım qabyldady. Bazalyq stavka +/- 1 p.t. dälızımen jyldyq 16,5% deŋgeiınde belgılenıp otyr, dep habarlaidy “Adyrna”.
Ūlttyq banktıŋ aqparatynşa, jyldyq infliasiia mausym aiynda 11,8% bolǧan. Barlyq komponent boiynşa baǧada ösım baiqalady. Tariftık reformalardy ıske asyru aiasynda retteletın qyzmetterdıŋ, sol siiaqty naryq qyzmetterınıŋ qymbattauy esebınen qyzmet sektory (16,1%) būrynǧyşa baǧa ösımıne sebep bolyp otyr. Sonymen qatar importtalatyn tauarlar men auyl şaruaşylyǧy önımderınıŋ negızgı türlerı qymbattauyna bailanysty azyq-tülık infliasiiasy (10,6%) da aitarlyqtai üles qosqan. Al infliasiianyŋ ailyq dinamikasy 0,8%-ǧa deiın baiaulady.
«Qazırgı jaǧdaida ūstamdy qataŋ aqşa-kredit saiasaty Ūlttyq banktıŋ qosymşa şaralarymen bırge infliasiianyŋ ösuın tejeidı. Jeke kreditteu naryǧyn «salqyndatu» boiynşa qabyldanyp jatqan mikro jäne makroprudensiialyq şaralardyŋ äserı bırtındep küşeiedı dep kütılude. İnfliasiialyq faktorlardyŋ qalyptasqan balansy, onyŋ qazırgı qarqyndy dinamikasy, proinfliasiialyq ürdıster men syrtqy ortadaǧy belgısızdık bazalyq mölşerlemenı qazırgıdei deŋgeide 2025 jyldyŋ soŋyna deiın saqtau yqtimaldyǧyna aitarlyqtai sebep bolyp otyr. Aqşa-kredit saiasaty komitetı qajet bolǧan jaǧdaida bazalyq mölşerlemenı köteru mümkındıgın de joqqa şyǧarmaidy», - dep mälımdedı Ūlttyq bank.
Bazalyq mölşerleme boiynşa kezektı josparly şeşım 2025 jylǧy 29 tamyzda jariialanady.
Esterıŋızge salaiyq, 5 mausymda Ūlttyq bank bazalyq mölşerlemenı 16,5% deŋgeiınde qaldyrǧan bolatyn.
