Belgılı jurnalist,dokumentalist Äliia Äşımnıŋ Abai Qūnanbaiūly turaly aitqan äzılı qaznette qyzu talqylanyp jatyr, dep habarlaidy «Adyrna» tılşısı.
Ol Instagram jelısındegı paraqşasynda Qarqaralydaǧy Abai toqtaǧan üige barǧanyn aitqan. Aǧartuşy men onyŋ bırınşı äielı Dıldänıŋ bölmesın aralaǧan jurnalist «Būl — Abai men Dıldä netken bölme» deidı.
Äliia Äşımnıŋ būl sözı türlı pıkır qaişylyǧyn tuǧyzdy. Jurnalist, ssenarist Mariiam Äbsattar onyŋ äreketın synǧa aldy.
«Abai men Alaş ziialylary turaly abailap söileu kerek. Olar — ūltymyzdyŋ pasportyna ainalǧan tūlǧalar. Qai-qaisysy bolsyn haipty kötermeidı. Alaş jaily orystıldı auditoriiaǧa keŋ nasihattap jür ǧoi dep Maiia Bekbaevaǧa riza boluşy edım. Ol «Qazaq qyzdary oqymaǧan, nadan bolǧan soŋ sol tūstaǧy ziialylar özge ūlttan qyz alǧan» dep tosyn mınez tanytyp şyǧa keldı. Ekınşı bır köŋılım tolyp jürgen sıŋlım Äliia Äşım edı. Ol da «Abai men Dıldä netken» dep pıkır bıldırdı. Bır qyzyǧy, sol qylyǧy üşın ūialyp tūrǧan joq. Ainalaiyn-au, äke-şeşeŋ jaily sondai söz aituǧa ūialasyŋ ǧoi. Ol fakt bolsa da, aituǧa ūiat, tabu taqyryp qoi. Al endı onyŋ qasynda Abai — qazaqtyŋ ūly aqyny. Oǧan tıl tigızu ūlt namysyn qorlau emes pe?»—dedı BAQ ökılı.
Al dästürlı änşı Erlan Rysqali erkın pıkır bıldırgen adamnyŋ ünın öşırmeu kerektıgın aitty.
«Äliia – ūltqa jany aşityn, qazaq mädenietı men tarihyna tereŋ boilaǧan, san türlı tyŋ taqyryptardy qozǧap jürgen talantty, ızdenımpaz jurnalist. Onyŋ jariialaǧan kontentterı arqyly qanşama adam tyŋ mälımet alyp, kökırek közın aşyp keledı. Syn aituǧa bolady. Bıraq qarǧau, jek köru, qorlau – būl bızdıŋ mädenietımızge jat. Erkın pıkır bıldırgen adamnyŋ ünın öşıru – özımızdıŋ örısımızdı taryltu. Kelısıp jatsaq – qūp! Kelıspesek – pıkırmen jauap bereiık! Bıraq adamdy taptau, jeke basyn qorlau – jol emes»,—dedı ol.
