AQŞ prezidentı Donald Tramp Aq üidegı prezidenttıŋ kadr saiasaty jönındegı basqarmasynyŋ direktory etıp taǧaiyndaǧan Serdjio Gor Özbek KSR-ınde düniege kelgen, dep habarlaidy "Adyrna" ūlttyq portaly Times of Malta jäne OCCRP saittaryna sılteme jasap.
«Serdjio Gor Aq üidegı kadrlyq taǧaiyndaular basqarmasynyŋ direktory bolyp taǧaiyndalǧanda, bır aqparat qūraly ony “sız eşqaşan estımegen eŋ yqpaldy adam” dep sipattaǧan edı. Soŋǧy jyldary Gordyŋ esımı jiı atala bastady, sebebı ol Tramp äkımşılıgıne myŋdaǧan şeneunıktı taǧaiyndau prosesın basqarudy jalǧastyrdy. Alaida onyŋ ömırbaianyna qatysty köptegen derek jariia bolǧanymen, tuǧan jerı jaily aqparat sol küiı belgısız qalǧan edı», – dep jazady OCCRP öz materialynda.
New York Post basylymyna bergen sūhbatynda Gor tuǧan elın ataudan bas tartqanymen, «būl Resei emes» dep qysqa qaiyrǧan. Alaida Times of Malta men OCCRP Maltadaǧy jyljymaityn mülıkke qatysty notarialdyq qūjattar arqyly onyŋ tuǧan jerın anyqtady. Qūjattarǧa säikes, Gor kem degende balalyq şaǧynyŋ 5 jylyn Maltada ötkızgen jäne ol 1986 jyly 30 qaraşada Taşkentte düniege kelgen. Ol kezde onyŋ tolyq aty-jönı — Sergei Gorohovskii bolǧan. Būl aqparatty Gordyŋ advokaty Robert Garson da rastady.
Gor 2021 jyly anasynan Maltadaǧy mülıktı 268 myŋ dollarǧa satyp alǧan. Notarialdyq aktıde onyŋ tuǧan jerı qazırgı Özbekstan astanasy dep körsetılgen. Advokatynyŋ aituynşa, ol Maltaǧa bala künındegı estelıkterı men osy jerge degen süiıspenşılıgı üşın oralǧan.
Balalyq şaǧynda Gordyŋ otbasy AQŞ-qa köşıp, keiın ol amerikalyq azamattyq alǧan. Saiasi mansabyn bastap, Respublikalyq partiia ökılı senator Rend Poldyŋ keŋsesınde jūmys ıstedı. 2020 jyly Tramptyŋ qaita sailanu nauqanyndaǧy qarjylyq komitettıŋ apparat jetekşısı qyzmetın atqarǧan. Sol jyly Tramp sailauda jeŋılıp qalǧan edı. Sonymen qatar Gor Donald Tramptyŋ ūlymen bırge konservativtık baǧyttaǧy Winning Team Publishing baspasyn qūrǧan.
Gor bırneşe ret Mäskeuge de barǧan. 2018 jyly Vaşingtondaǧy libertariandyq taldau ortalyǧy qarjylandyrǧan saparynda AQŞ pen Resei arasyndaǧy qarym-qatynasty talqylauǧa arnalǧan tanysu missiiasyna qatysqan. Al 2017 jyly Reseidıŋ memlekettık «Aeroflot» äue kompaniiasymen Mäskeuge baryp, kelesı künı Rimge ūşyp ketken.
