19 nauryz künı AQŞ-tyŋ ūlttyq mūraǧaty Tehasta öltırılgen AQŞ-tyŋ 35-prezidentı Djon Kennedi, onyŋ saiasatker bauyry Robert Kennedi jäne qara näsıldılerdıŋ qūqyqtary üşın küresken belsendı Martin Liuter Kingtıŋ ölımıne qatysty qūpiialanǧan qūjattardy jariialady, dep habarlaidy "Adyrna" ūlttyq portaly.
"2025 jylǧy 17 nauryzda prezident Donald Tramptyŋ nūsqauyna säikes, prezident Djon F. Kennedidıŋ ölımıne qatysty qūjattar jinaǧynyŋ būryn qūpiia bolǧan barlyq derekterı jariialanady", – delıngen mūraǧat saitynda.
AQŞ bilıgı zaŋ boiynşa Kennedidıŋ ölımıne qatysty barlyq mälımettı 2017 jylǧa deiın tolyq aşuy kerek bolǧan. Alaida sol kezdegı prezident Donald Tramp pen odan keiın bilıkke kelgen Djo Baiden arnaiy qyzmetterge aqparattyŋ jariialanuy AQŞ-tyŋ müddelerı men halyqaralyq qatynastaryna qanşalyqty ziian keltıretının baǧalauǧa qosymşa uaqyt bergen.
Ol kezde jariialanǧan bırneşe qūjat sensasiiaǧa ainalǧan joq. Prezidenttık ekınşı merzımın bastaǧannan keiın Tramp jaŋa qūjattardy jariialau turaly jarlyq şyǧaryp, 18 nauryzda olardy aşyqqa şyǧaratynyn mälımdedı. AQŞ prezidentınıŋ aituynşa, şamamen 80 myŋ bet qūjat eşqandai redaksiiasyz jariialanǧan.
"Sifrlyq qūjattar, sonyŋ ışınde būryn qūpiia bolǧan qyzmettık jazbalardyŋ PDF faildary, 1962 jylǧy Kuba daǧdarysynan keiın AQŞ pen Keŋes Odaǧy arasyndaǧy qarym-qatynastarda oryn alǧan üreilı atmosferany sezınuge mümkındık beredı, – dep jazady Reuters agenttıgı.
Jurnalisterdıŋ baǧalauynşa, jariialanǧan qūjattardan bastapqy resmi nūsqadan aiyrmaşylyǧy baiqalmaǧan
Kennedi 1963 jylǧy 22 qaraşada Dallas qalasynda oqqa ūşty. Ol prezident qyzmetın nebärı üş jylǧa jetpeitın uaqyt atqardy. Tergeu onyŋ ölımıne Li Harvi Osvaldtyŋ jalǧyz özı jauapty ekenın anyqtady. Osvald tūtqyndalǧannan ekı kün ötken soŋ öltırılgen.
